《今晚打喪屍》無曲只有直既小評 (含內容) 不喜勿插
本帖最後由 lkljason 於 2017-7-3 17:51 編輯滿心期待去睇呢套戲，但結尾真係睇到O左咀！
真係唔使比咁多空間我去想像套戲。好耐無睇過一套咁雷聲大雨點小既作品！
認識我既人都知我係喪C迷，就算果套比人踩到一文不直警號鐘JC既屍城我都會睇下，我完全明白及理解因為budget所限，呢套戲無爆肚、無隊穿腸或者無爆頭既血腥畫面，就算架車快速咁避喪C但連hi下隻喪C都無，只係被拍打下車窗我都接受，用d慢近鏡黎避重就輕，請d喪C迷免費扮喪C連化妝費都慳翻亦都無問題，而天地雙龍所搞既爛gag (張生咩碌野好勁)、又或者某d人覺得文戲過場 (癡情外賣仔、考順兩兄弟同白只既父子情)，對我黎講都還可以，但開始見到d雞蛋整爆人頭既畫面出現，開始心知不妙，不過本著又睇下佢點樣自圓其說收場先，點知最後黎個卡通結尾，咁究竟係阿龍自己既心魔定堅有喪C，到呢一刻我都未諗得通，諗住片尾步點都留伏線黎交代下，係就係有，不過得顏卓靈係個唔知咩地方見到個棺材蓋郁一郁就堅完勒，大佬想點呀？顧下d無睇小說或者漫畫既人感受好喎！
睇過網上d評語撐話cute片係咁，但個人覺得故仔都未度掂點收尾，就唔好玩咁多個人風格，自問都係真金白銀成舊水攞出黎支持本地制作，但出到黎真係唔知講乜好，講堅我個人覺得救殭清道夫好睇過佢，起碼睇完都知佢係想講乜！
都係果句純粹個人睇後既感覺，不喜勿回！ 本帖最後由 radhk 於 2017-7-4 19:41 編輯
你個反應, 感受都好正常. 真係期望越大, 失望越大.
其實我之前都唔知套戲係無budget. 仲諗住本地可以有套似樣既喪C片. {:6_129:} 手上有商場送既飛，點都會入場睇下既{:6_136:}
個人來講，睇到 CULT 片都要有心理準備好少少{:6_142:} alleelarry 發表於 2017-7-4 12:26
手上有商場送既飛，點都會入場睇下既
個人來講，睇到 CULT 片都要有心理準備好少少...
個人覺得如果當cult片睇, 會少少失望. radhk 發表於 2017-7-4 19:43
個人覺得如果當cult片睇, 會少少失望.
無錯！無論當cult 或者唔cult 都係失望！ lkljason 發表於 2017-7-4 19:55
無錯！無論當cult 或者唔cult 都係失望！
當入場睇下萬子, 吳家麗, 都okay既. 但如果早知, 我會揀早場先睇. {:6_176:} radhk 發表於 2017-7-4 21:08
當入場睇下萬子, 吳家麗, 都okay既. 但如果早知, 我會揀早場先睇.
還好手上的是免費飛，就不管了，買多包蝦條入場穩陣D{:6_174:} radhk 發表於 2017-7-4 21:08
當入場睇下萬子, 吳家麗, 都okay既. 但如果早知, 我會揀早場先睇.
Me too! alleelarry 發表於 2017-7-4 21:51
還好手上的是免費飛，就不管了，買多包蝦條入場穩陣D
免費就當嘆冷氣 lkljason 發表於 2017-7-5 00:08
免費就當嘆冷氣
可能無咩期待的話……，今晚睇左再同大家分享下啦！向來太太都話我收貨標準唔高，即管睇下點！又講番轉頭，呢類電影平時要睇，一係租碟，再唔係等點播{:6_174:}
頁:
[1]
2