[少量劇透]《訪嚇》︰導演處女作，仍有地方要改進
原本對呢套戲無乜興趣，咁啱有親戚買咗飛，臨時有急事俾咗張飛小弟去睇。Jordan Peele呢套係佢導演處女作，有做埋演員，不過小弟唔太熟佢嘅戲同電視劇。Get out以電影處女作嚟講，算拍得好好睇睇。男主角Daniel Kaluuya飾演嘅Chirs係黑人而女主角Allison Williams飾演嘅Rose係白人，套戲講兩個人去見家長，跟住男主角發現女主角嘅屋企人同鄰居唔多對路。有兩場戲幾深刻吓，第一場係Chris喺女友屋企夜晚去食煙，俾兩位女友屋企裡嘅工人奇異舉動嚇倒，之後入屋俾女主角阿媽催眠。而第二場係女友鄰居喺屋企搞聚會，成班白人對男主傾閒計，凝造出一種不安氣氛，到男主攞手機影相發覺到女友鄰居嘅不尋常，將成套戲推向高潮。前半段套戲拍得幾精彩，再之後收番所有伏筆，算係可以自圓其說唔格硬嚟。
不過套戲係結尾拍得唔多好，男主知道女友屋企人陰謀之後，突然變得好好打，女友屋企人由之前充滿心計變到死蠢咁，令到ending有少少瑕疵同公式化。成套戲有個令人睇到心寒嘅主題，就係白人洗黑人腦，將白人文化強加於黑人身上，尤其是Andrew嘅角色遭遇。
總括而言，套戲以驚慄片嚟講拍得尚算精彩，係結尾拍得麻麻地，鐘意睇驚慄片嘅要入場睇吓。 我也看了，坦白講，催眠原來可以咁高招，唔使用陀錶咁低B，我都有少少入夢feel。另外，公園沉默一幕好正，只用手勢表示，到拍掌完成，正中放了一幅相，已道明當中含意，好有代入感。戯中的鹿deer亦有其意思，大家可思考下。
我俾8/10分 睇左, 都打過了感想, 是有覺真是有點言過其實.
或者在美國本地上有更大的共鳴也不出奇, 始終黑白問題是在美國有一定的市場.
有朋加友講: "初作, 算係甘了"我係有少少不同意,有點地方未免太公式化了.
呢套電影可貴在於，每一幕都可以有不同的理解，又或者解釋，建議大家看完，多看人家的分享，就會明白我所講！{:6_142:} 另一個結局是「悲慘」的，但導演就終選擇了這個，同一場境拍了六至七個版本，千挑萬選了較為「正面」的！ 睇左。不過不失。
頁:
[1]