《加勒比海盜：惡靈啟航》－黑珍珠號的重新出發
本帖最後由 Whysee2017 於 2017-5-29 18:00 編輯https://i0.wp.com/teaser-trailer.com/wp-content/uploads/Pirates-of-the-Caribbean-5-Dead-Men-Tell-No-Tales-2017-movie.jpg?ssl=1
簡介
William Turner的兒子Henry一直想尋找幫父親解除Flying Dutchman的詛咒，唯一方法是找到相傳可以控制海上所有力量的「海神戰戟」；同時，曾稱霸一時的前海軍將軍Salazar，當年敗給年輕的Jack Sparrow而變成受詛咒的亡靈，一心想靠「海神戰戟」得到自由，並向Jack Sparrow報仇；而要找到神話中的「海神戰戟」，JackSparrow和他的指南針就是必要。
劇情／角色
劇情發揮上，今集比起上集改進了很多。
電影前半段節奏慢，花了不少演繹「海神戰戟」是什麼的一回事，還有由不同的人強調戰戟只是傳說，沒有人能夠找到。情節鋪排也顯得技窮，與前幾集相差開場相差不遠，不外乎是Jack Sparrow實行某計劃失敗、胡鬧一輪，被捕處決、配角劫獄、找船、出航、入正題。對於剛溫習完前四集的觀眾，實在算不上精彩，而且拖泥帶水。不過前、中段都有幾場比較精彩的船戰Flashback，尤其年輕版Jack Sparrow和Salazar的船戰，雖然篇幅不長，到喉不到肺，但是是戲中最精彩的船戰之一，配合巨幕ATOMS戲院，再加分不少。
劇情由Jack取回Black Pearl之後劇情終於漸入戲肉，Jack Sparrow與Salazar的正面交戰帶一點第三集與Davy Jones交戰的影子，不過動作設計還比不上前作，有點可惜。後來去到目的地的星空小島、「摩西分紅海」等CG都十分精彩，交戰相比之下略遜色。最刺激的部分反而是後來逃脫的情節，為免劇透太多就不詳述了。
如果將劇情「鋪平」，的確沒有以前三部曲（尤其第一部）時的精彩和新鮮感，不過今集好在兩位新角色：Henry Turner和飾演天文學家的Carina Smyth戲分不少而且在劇情中有舉足輕重的地位，又分別與舊角色有一定聯繫，對於Fans來說，單單感情分已經加了不少。舊主角Jack和Barbossa亦有多一點過去經歷的描述，雖然不多但相信觀眾會有「原來係咁嚟嘅」的新鮮感。
由Javier Bardem飾演的反派Salazar，比起上集黑鬍子船長更有邪惡味道，從以前當海軍將領時的正義和意氣風發，到被海盜JackSparrow擊敗的憤怒，到受復仇詛咒後的舉手投足都帶邪氣，CG造型亮眼，碎面和飄逸的髮型邪氣十足，更加切合一個受所有海盜恐懼的反派應有的形象。。影帝級的演技自然無容置疑，若有機會多加發揮（續集？），相信有潛質發展成比得起Davy Jones的對手。
而兩位重新加入的舊角色：Will Turner和Elizabeth Swann最後只是客串出場的路人，旨在喚醒一下大家記憶和加強觀眾對他們兒子的同情分吧。如果有續集，也方便他們再出現。
《加勒比海盜：惡靈啟航》－黑珍珠號的重新出發
「惡靈啟航」這個片名不知從哪來，反而台灣的「死無對證」更加切合Salazar片中每次殺戮留一活口傳口信：”Dead Men Tell No Tales”的意思。
來到第五集找來一些舊班底，交代了一些過去情節，也似乎有意埋下一些模稜兩可的伏筆，以便有續集可以讓他們重回故事線，要不然與他們有關的新角色也可以帶住舊角色的「精神」延續下去，有承上啟下的意味。而今集反派有戲、特技出色絢麗，整體而言不到當初三部部曲的高水準，也沒有很經典史詩式的交戰，但情節有沒解釋清楚的部分，亦有可以再擴展的部分，單獨看這部還可以吧，如果是喜歡舊作的觀眾相信是不能錯過。
另外，今集配樂是系列裡第一次不是由Hans Zimmer作曲，音樂也沒有之前壯大，經典的主題曲也不太起眼，有點失望。
最後，記得有post-credit scene，我自己就錯過了，大家入場記得留到最後。不過其實也可以上網自己找回這一段看……
呢套真係冇入場意肉，前幾集已唔覺刺激呢。 小瑟 發表於 2017-5-26 11:57
呢套真係冇入場意肉，前幾集已唔覺刺激呢。
無睇開就更加無謂入場啦{:1_262:} 始終第一集係最正！但呢套到出碟都可以睇睇呢{:6_142:} alleelarry 發表於 2017-5-27 10:48
始終第一集係最正！但呢套到出碟都可以睇睇呢
其實已經覺得係為出而出{:1_331:} ,
今次劇情上算係個wrap up,好似以防之後無下集嘅感覺
同埋我睇atoms都幾好,如果屋企有atom梗係要試下 Whysee2017 發表於 2017-5-28 01:14
其實已經覺得係為出而出 ,
今次劇情上算係個wrap up,好似以防之後無下集嘅感覺
其實只要想續拍，留唔留有入手跟本不重要，來個時光倒流咩都可以「重新開始」，正如：蜘蛛伏可以由佬變成後生，仲要用「開學」黎宣傳，蝙蝠俠老爸可以「死」好多次……。但情意結驅使下，看是肯定的，只在乎點樣睇咁啦！ 其實呢種較低年齡向的電影, 老的唔睇, 自有新的小朋友捧場, 長拍長有唔怕冇人黎LOR.
我一時與起, 去了機場睇左, 睇了約30分鐘後開始眼瞓, 瞓了一陣睇返又明佢講乜WOR.
本身唔喜歡呢個系列, 只係因為鍾意船先入場, OK啦, D船船, 女主角尚算養眼, 第一集的女主角雖然未算好老, 但真係保養得幾好WOR, 唔知有冇CG幫手啦. mike384 發表於 2017-5-29 09:08
其實呢種較低年齡向的電影, 老的唔睇, 自有新的小朋友捧場, 長拍長有唔怕冇人黎LOR.
我一時與起, 去了機場 ...
第一集個女主角梗係靚啦,佢而家先30歲頭{:1_344:}
如果為左睇船...今集好似無乜咋喎
續集嘅野現實都係睇票房,睇左一集無理由唔睇埋第二集嘅心態,
仲有一班係原來出左第二集,咁呢個系列一定好睇/多人睇啦....結果明明續集差d,但係票房高d,跟住順勢拍第三集
記得之前睇過D討論文都講過,而家Hollywood無乜原創故事,大多數都係由書/真人真事改編,或者續集作品,或者系列作
好睇嘅原創作好似買少見少 斷左枝㦸話解除哂魔咒, 點解最後雙八爪船長冇解除,仲要一樣係八爪魚?
系列似第一集大收就拍到3集完,點知想食老笨都仲得,開埋4,不過冇左兩個頭三集既骨幹演員玩.
呢家去到5,冇同jack同場下加番佢兩個落去,已經變到reboot左咁,下集6又打番相同boss,出番原來既角色, 不如完美ending啦. 自第3集我已對佢無乜好感, 睇完review 覺不如唔睇.
最多itune 上租來看看是ok 的
頁:
[1]
2