有幾多人會自己一個人睇戲？
朋友講開，話完全接受唔到自己一個人睇戲。計我話，一個人睇戲都無乜唔好啫，靜靜地，專心睇。
反正睇戲時都唔會講戲咖啦～
#其實我間唔中都會自己一個人睇戲
#好似話戲迷都係自己一個人睇戲的 有人陪當然好，睇完討論吓都開心啲。但我以前都經常一個人睇戲，完全唔覺得有問題。 完全冇問題,其實我比較喜歡一個人睇戲添,冇人煩{:6_183:} 冇人陪就唔睇的話, 只證明都唔係太想睇套戲姐.
一個人睇專心好多, 我慣了一個人睇的. 我諗十中有六七都是我自己一個人睇
問題是同朋友一齊去, 又或者家中的寄局豆丁,要講時間又講大家夾唔夾口味...真係一個煩字.
有時我會買唔只一個位去睇一場戲, 費事被左右的人煩到. 有啱咀形嘅朋友一齊睇戲固然之好，但一支公睇我都唔會覺得有問題，唔使左就右就都好方便吖！ 越多人睇越難就, 就完地區就要就場數, 返工放工時間又不一, 就到時間戲院未必係自己想去的.
好似兩年前睇星戰7, 本來話一齊睇3D IMAX, 點知唔係有人嫌貴,就有人嫌太夜, 結果去了鑽石山睇普通版, 雖然唔係話咩好處, 但總覺得浪漫了.
睇完後好多人都表示不滿, 我自己就一個人走去米加盒睇多次3D IMAX, 揀早場睇, 個FEEL果然好好多!!!!
我唔介意自己睇戲, 如你說睇戲都好個人, 睇時又唔會同人討論.
不過如果套戲係我同老婆都想睇的, 就會等埋一齊才睇. 我好少同朋友睇, 因為當人多時又要夾時間地點, 有時又話邊個突然唔OK就幾煩, 倒不如各自睇算. 一個人睇戲有咩問題? 我一睇睇左十幾年, 不知幾Enjoy !! 話邊間就話邊間, 咩時間就咩時間 !!{:6_138:} 出街睇就大多數兩個人，反而係屋企就算齊人，都係自己一個睇多！