{NASA 無名英雌 }不專業碟評~ 一部電影如何熱血及激動人心 ??
本帖最後由 SonSon 於 2017-5-2 10:50 編輯當日睇完"NASA 無名英雌"電影trailer, 無壯觀場景, 無明星效應, 無華麗特技, 簡單幾句對白加上係真人真事改編就令人有一鼓莫名衝勁要入場觀看{:6_172:} , 但最終礙於場次不合無緣入場, 知道4K UHD一出, 難得呢次連老闆都支持, 重唔馬上出手{:6_190:} ( 以下相片用手機拍攝{:6_136:} )
電影內容:
過往涉及種族隔離內容既電影都比較嚴肅及沉重, 所以個人取向一直都較少留意{:6_136:} . 但NASA一片可以話用較輕鬆手法拍攝, 大多數用鏡頭或場景去表達當時社會環境既不公平, 例如片首警察查問三女主角時已道出, 不當對話隨時都可野上官非, 誤入白人圖書館可以被逐出, 搭巴士要分前後座, 無學校為有色人種設讀書進修課程等. 就算強如NASA內部設施如廁所, 飯堂, 飲水設備, 工作環境等, 白人及有色人種都有明顯分別{:6_164:} .
三位主要演員: Taraji P. Henson演單親媽媽, 自幼係數學天才, 但係NASA只負責基層計算工作; Octavia Spencer演一位有能力類似部門大家姐但又無實質權力未被上司認可, 亦經常比白人女上司睇低; Janelle Monáe演一位資歷未認可但又有天賦既工程師, 需要被上司提拔但因膚色原因受盡白眼.
三人需然係當時不公既工作環境下, 就算自怨自艾都係輕鬆面對{:6_165:} , Taraji P. Henson因自覺有份解決問題, 所以多次違規係報告中加插自己名, 唔理其他人目光主動發表意見, 甚至主動爭取參與白人高層會議, 雖然屢次獲肯定但始終敵唔過電腦時代來臨, 但一次電腦計算有誤最終火箭發射要佢覆核認可先可順利發射. 其中一幕因為廁所距離要雨中長途拔涉, 係受盡屈辱下向Kevin Costner爆發一幕至Kevin得悉後主動拆除廁所牌再一句"係NASA裡面, 所有人小便既顏色都一樣", 實在振奮人心{:6_181:}. Octavia Spencer雖然能幹但工作不被重視, 每次要求都比白人女上司用唔同借口拒絕調職, 最後佢無意間搞掂咗新裝既IBM電腦, 原本可以獨自升職但亦幫大家爭取權益, 最後能力亦被白人女上司認同{:6_193:} . Janelle Monáe雖然為上司賞識, 但因為無工程師資格, 要進修又被當時制度阻擾, 最終要進行法庭訴訟爭取公義, 法庭中同法官簡單對話中已睇到佢當時決心打破規矩{:6_229:} .
畫質簡評:
電影雖然係用16mm及35mm2K拍攝, 同大多數數碼電影畫面比較下無咁Sharp但有電影感. 眾人在近鏡下面部輪廓細緻度相當高, NASA內部傢俬設備細紋, 黑板寫既方程式清晰可見, 當中一幕Taraji P. Henson係一眾白人白裇衫開會中身穿碧綠色特別搶眼{:6_128:} , 另一幕眾人觀看升空直播, 不論眾人衣著膚色及陳設都偏咖黃, 但畫面仍有條理分辨清楚, 唯一要彈既係頭半部有幾場室外場景明顯有out focus 模糊不清感覺{:6_146:} .
音效簡評:
不論4K UHD或Blu-ray版都係 DTS-HD MA 7.1, 其實全片試機位其實唔多, 十仔全程有一半時間休眠中{:6_151:} , 要數既係Janelle Monáe係太空艙測試風阻一幕及最後太空艙係返回地球遇險一幕. 反而人聲對白定位精晰, 亦欣賞背景音樂及黑人歌曲調子輕鬆有驚喜, 令到全片唔會因為涉及種族而死氣沉沉{:6_220:}
特別收錄:
4K UHD版只有幕後講評, 反而Blu-ray版有齊製作特輯, 刪剪片段, 攝製在佐治亞州, 相片集及預告片. 現時4K UHD版一般特別收錄都效Blu-ray版少, 希望只係因雙碟包裝問題而收錄係Blu-ray裡面啦{:6_146:}
總結:
大家放心唔會因電影出現數學計算而沉悶, 三位女角角色深刻鮮明, 堅毅不屈既精神討人喜愛之餘亦令人有投入感, 一齊經歷熱血旅程. 劇情部份需有少瑕疵, 例如為何太空人對Taraji P. Henson咁欣賞, 甚至最後信佢多過部電腦計算結果?? Octavia Spencer雖然係整車高手, 但係三扒兩撥已搞掂台IBM電腦都較誇張......但作為一部有笑有淚既勵志電影, 劇情取材真人真事, 又有浪漫愛情, 各演員各有特色, 最終構成一部好看動人之作{:6_193:} . 雖冷門但不失為一套好戲！ {:1_351:} 本帖最後由 rach 於 2017-5-3 10:11 編輯
結尾段落Hans Zimmer配樂有畫龍點睛效果 rach 發表於 2017-5-3 02:54
結尾段落Hans Zimmer配樂有畫龍點睛效果
成套片除咗冇負面情緒外, 最出色都算係配樂{:6_193:} 奇雲高士拿的作品一向不差。
戲中數學天才Katherine Johnson真人並非黑人。
所謂做戲咁做,當劇情片可以,試聲畫就不必。
今日美帝總統都出過黑人,仲唱種族歧視?
去美國住幾個月,自然明白膚色同衰情係有d關聯,千祈咪信左膠大愛。 我見到trailer唔知點解，有種想睇這套感覺！ 本帖最後由 fm31331 於 2017-5-4 11:07 編輯
{:6_176:} 重複咗㖭！ 呢套真係好睇架.{:6_193:} 2小時既戲, 節奏明快, 好睇, 全文戲, 但都無咩悶場, 難得!
師兄, 影評好似多左啲劇透, 我覺得標頭說明會好啲, 純個人意見~{:6_142:}
頁:
[1]
2