《拆彈專家》 ~ 一睇監製個名預感會出事
本帖最後由 alleelarry 於 2017-4-26 23:02 編輯話說太座係劉華Fans, 加上電影海報好型喎...........{:6_126:} 咁我又唔抗拒既咪買飛入場. 片長約2粒鐘, 頭半part正正常常 OK啦, 起碼貼近影片名稱, 多場拆彈場面尚算緊張, 起碼劉華著晒成套防爆裝都型過人...........太座講既{:6_156:} . 但其實一睇都知有D小瑕疵, 例如唯一一幕著晒成套防爆裝備, 但雙手只帶上普通黑色手套拆彈...........唔係嘛{:6_206:} . 後半部進入紅隧劇情, 首先紅隧模型場景幾可亂真, 要比個like{:6_193:} , 但就開始失控變成電影風暴翻版, 因涉及挾持人質, 其他角色陸續登場. 姜武演既首領.........算最好一個但事前冇乜舖排角色性格, 一句目的係回購西隧, 頓時笑聲滿載{:6_176:} , 王紫逸演姜武弟弟.........坐咗兩年監啫但性格180度轉變冇交待, 唐文龍演僱傭兵......二打六好似講咗一兩句無關痛癢對白, 廖啟智演既大鱷......一個差D走漏眼冇舖排既奸角, 張繼聰演既導遊.......除咗製造笑聲外唔知想點, 蔡瀚億演既差人........雖然係悲劇人物但又係好笑, 駱應鈞/何華超/尹揚明........可有可無. 成段挾持人質戲白白浪費一班好演員{:6_180:} . 尾段戲肉黎啦, 一眾Fans (包括太座) 最期待既劉華化身Rambo, 首先炸彈捆綁係自己身上衝入紅隧講數, 唔係嘛完全冇人阻止既{:6_192:}, 最好笑係槍戰時走在最前線但冇除身上炸彈{:6_200:} . 最後咁大既紅隧模型梗係玩吓大場面啦, 其實重有好多bugs未講都係等大家睇完發掘吓.........{:6_142:}
總結係.......如果係劉華Fans既, 一人個型字相信必入場觀看, 如果想輕輕鬆鬆兩粒鐘既又一看無妨, 如果想睇套有水準既港產 (當係啦) 動作電影, 抱住睇當年風暴既心態會開心D. 始終各人描寫表面, 拆彈場面又係表面, 用咗兩粒鐘講故事就有D長啦.......... 用積分換左飛先去睇預告，第一時間就係諗起《風暴》，故事天馬行空無咩問題，但無資金拍既場面就唔好格硬黎！ alleelarry 發表於 2017-4-24 11:51
用積分換左飛先去睇預告，第一時間就係諗起《風暴》，故事天馬行空無咩問題，但無資金拍既場面就唔好格硬黎 ...
可以搭到咁大個紅隧場景應該都唔少錢, 反而覺得劇情同個別場景就好似為咗效果而夾硬堆砌出黎 基本上大半部份，套戲都冇飛虎隊出現過，要知道呢D挾持人質嘅環境，一定係佢地主力，唔係EOD!殺完一個又一個都仲未見人，仲踢緊波？好喇，最尾5分鐘見人喇，吊落嚟又剩喇！不過得5個！只見勇猛的黑仔亂七咁射之下控制場面，煙彈呢？震撼彈呢？狙擊手呢？完全欠奉！不過又咁！其實班外藉雇傭兵：dont shoot dont shoot咁，似遊客多過賊，事旦啦喂 其實睇到封面都知出事, 但都去了睇, 樓下早場50蚊, 算啦.
首先啦, 我入場前冇留意導演名的.
開場冇耐,都OK啦...後來昇級了...越黎越唔知佢想點...個個大陰謀...唔係啩, 咁膠嘅? 你話呢個世界有冇人請賊做野, 會咁光明正大架?
各人物的背景性格可以都話交帶唔到, 唉, 丘導演係攝影出身, 片中攝影係OK的, 冇投訴, 隧道的場景亦迫真, 不過呢...開槍唔好淨係用CG啦, 好假架....
整套叫做普通但少少爛呀, 純睇動作都算過骨的, 至於故事, 主觀地, 我覺得佢同危城係唱反調的, 危城係講有權有勢的人去蝦D弱小市民, 呢套就係講有錢佬加埋刁民去為難當權者...各種寓意大家自己諗啦. 拆彈要好精準靈活既雙手去完成任務
所以就算件防爆衣幾大件都好雙手都係接近零保護
https://www.google.com.hk/search?rlz=1C5CHFA_enHK717HK717&espv=2&biw=1131&bih=839&tbm=isch&sa=1&q=bomb+disposal+suit&oq=bomb+dis&gs_l=img.3.1.0i19k1l10.3410.5813.0.13982.8.8.0.0.0.0.67.389.8.8.0....0...1c.1.64.img..0.8.388...0.aRapjHVV78c#imgrc=B6rgmFa2zGd84M: 以劉生嘅年紀晌紀律部隊入面已經要退休... 我有朋友, 女的多數話好睇, 但男的就多數話只係一般. 我自己未睇, 不過其實都唔打算睇. 因為講真我都幾怕睇劉華做戲. 我唔係指佢唔好戲, 而係咁多年來可能劉華個"形象"已經深入我心, 好多時未上映都已經估計到佢入面係咩表情, 咩角色設定, 咩語氣講對白等等. 所以見到佢係主角我反而唔太想入場. 當然我咁諗而唔入場對其他落力演出的人唔公平, 不過舉個例, 劉華係A5和牛, 每食一次都成千蚊埋單但好好食. 但日日食和牛都會厭, 我都唔想未行入個餐廳已經知道味道係點, 所以食返牛丸河, 咸牛治算了. onon4359 發表於 2017-4-24 16:11
基本上大半部份，套戲都冇飛虎隊出現過，要知道呢D挾持人質嘅環境，一定係佢地主力，唔係EOD!殺完一個又一 ...
重有被挾持班人質都要起底是常識吧, 由其一次過咁多人走出黎, 估都估到會有二五混入啦...... mike384 發表於 2017-4-24 16:16
其實睇到封面都知出事, 但都去了睇, 樓下早場50蚊, 算啦.
首先啦, 我入場前冇留意導演名的.
開場冇耐,都OK ...
廖啟智事前只有一個鏡頭交待去咗唔知邊度搵姜武, 但堂堂一個上市公司主席, 冇講點識班僱傭兵? 點解先山長水遠親自出馬? 點解要用咁高風險去迫政府回購? 點解咁明目張膽用自己手電聯絡姜武? 明知剛有差人上門傾計...........{:6_223:}