mike384 發表於 2017-4-10 12:20

懷舊味十足的現代西部劇《非正常械劫案》

本帖最後由 mike384 於 2017-4-10 14:46 編輯

原名Hell or High Water, 聽落去有D一念天堂, 一念地獄的感覺.

(後來查返字典, 係水深火熱, 極度困境之意)

講真真係冇太多院做呢套, 但尋日都終於搵到時間去MOKO睇.

一如以往, 白紙一張入場, 都算OK, 拍攝手法頗為舊式, 加上全片充斥著鄉川歌曲, 夠哂老餅, 但睇完真係有D想買隻SOUND TRACK聽下, YEAH~~~

演員CHRIS PINE今次都唔多認得佢了, 冇了以前扮開的靚仔FEEL, 而係一種佬FEEL, 扮佢阿哥的BEN FOSTER就夠哂罪犯味, 再加上串咀老差骨同半紅番拍擋,

片中幽默位唔少, 唔係個D胡閙, 而係更多的嘲諷, 甚至自嘲都有, 而槍戰雖然唔多又短, 但都好畀心機整, 係屬於較真實的槍戰.

劇本相當唔錯, 睇返WIKI原來入了BLACK LIST榜, 唔怪之得, 點解話佢西部, 因為真有唔少西部元素, 欺壓平民的銀行, 嫉惡如仇的警長, 亦正亦邪的兄弟幫, 簡單明快的槍戰.

全片我畀7.5分, 不過個0.5都係因為自己老老地餅先加的, 自問唔係老餅, 或一心睇動作片的朋友, 就唔太建議入場睇了.
頁: [1]
查看完整版本: 懷舊味十足的現代西部劇《非正常械劫案》

重要聲明：本討論區是以即時上載留言的方式運作，Post76玩樂討論區對所有留言的真實性、完整性及立場等，不負任何法律責任。而一切留言之言論只代表留言者個人意 見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 )， 同時亦有不刪除留言的權利，如有任何爭議，管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。權利。