壞咗電視。。。好事當中又係壞事 (LG e6p 不專業小報告 #21)
本帖最後由 hei_49 於 2017-3-31 20:36 編輯部 LG 55la9700 未夠三年就出咗事，遙控出現問題，機身面板出現問題，叫師父嚟換咗一次零件，第二日畫面出現雪花横紋，第三日 sound bar 又失控有怪聲。
心中都諗緊點算，可幸三年保養未過 LG 提出用 55e6p 換番比我，重要係全新機唔係翻新機㖭。嘩，所有新規格有齊晒。。。正！但現有牆架冇得用番，要買原裝或座枱了，又要儲錢買新碟機，仲要入多啲4K碟至得了。
一闊三大。。。要努力搵錢至得喇！ LG咁樣算好好啦!!
想當我買左三叔8000系電視, 又係唔夠2年壞到無零件換, 佢只係提出比當時既6000系比我....最後唔要退錢仲要得5成... 三叔形象差，產品又唔太有好評，no la!
但 LG 都不算是太好，係 oled 電視比較吸引。
不過，呢次佢哋嘅CS又處理得唔錯。 LG有甘既售後服務，下次再買電視都有可能會買LG啦。{:6_128:} xhatax 發表於 2017-3-28 14:58
LG有甘既售後服務，下次再買電視都有可能會買LG啦。
其實呢次我好彩炸，聽LG師父講換機多數會比維修過嘅機，好小會係新機。(雖然依家嚟嘅可能都係維修機，但唔理了用佢夠兩年當有賺了)
如果遲多幾個月先出現問題cs可能唔會理我囉！ 第時我部e6p壞左，唔知係咪可以換G7呢？{:6_138:}
（發夢中） Versa 發表於 2017-3-28 17:42
第時我部e6p壞左，唔知係咪可以換G7呢？
（發夢中）
Cing 我係咪應該祝你喺保養期內壞機等LG 換部新機比你呢？hahaha.... 咁都算係甘,CS有準步 5.1外星人 發表於 2017-3-29 02:31
咁都算係甘,CS有準步
等部機送到再同大家分享下啦！ 昨晚走咗去“風閘”門市問下原裝架價錢，喺職員去搵料時我走咗去睇最新嘅 oled，正在看得入神時有位穿藍色風褸嘅男仕走過嚟同我講：呢部電視唔得，D黑位太深冇晒嘢睇。我望真D又真係喎黑位太深對比過強，色彩度太高。呢位男仕又話：點講唔試果部呢？佢嘅黑位裡面幾細緻！佢用咗什麼子技術，入面什麼提升，下刪一百字。我一望深位係幾細緻但冇咩黑喎而且有D灰喎，顏色有D味精。再望下位男仕。。。咦有個白色 S logo 喎。。。明晒。
我唔係想講邊隻牌子電視最好，因為各花入各眼，但鎅客真係第一次見。
魔鬼D諗，oled 係咪真係咁差呢？係咪職員唔識set？定係其它人為因素？我唔知，但我在其它地方見過唔係咁嘅。