小改變大改善
小弟一向都唔迷信,多從設定調聲或覺得唔夠玩就乾脆成部機換過從來都唔信攪線攪電呢方法會對影音帶來咩改善
早幾日放假無聊無事做就出去旺角兜個圈, 上到影音舖就跌錢喇
當時間舖好靜無咩人得我同另一個客係度,見果位師兄同個職員傾開電
言談中得知佢係玩開兩聲道而且似係初哥並開始微燒......想學入玩下電
但budget有限暫時買唔起名牌子,經個Sales佬推介最後就買隻唔知咩牌子既電製面板走人
咁都好平常姐, 玩開電來來去去都係果幾款熟口熟面架喇,大牌唔係SINE就Oyaide架啦
但呢牌子又真係好貴,出聲效表現係咪天同地就要落踏先知,對玩電入門講真係博一舖
咁嘛同個 Sales八下頭先條友咩料啦, 咁就知有隻新返電製面板,英國牌子
聲稱100%純銅片導電, 音色純淨,晒相試下效果而又唔想一開始就花成過千銀友
而且仲有埋兩個 USB PORT 俾手機差電,仲話唔知咩SMART USB 自動電路回流技術到大晒
梗係無理佢啦, 如果買兩隻共4個蘇 (塑膠白色) 唔使$700, 但當中金屬面版系例真係整得幾靚
尤其"白金色"果隻, 好有鐵甲奇俠Feel就係呢隻顏色令我心動, 小弟影音分家4個插位就好
就算聲音效果出無預期咁好,都無晒錢架,咪電腦台近疏化一隻,房一隻差手機電唔使轉插都好
當時心諗如講到唔超過 $1000銀俾我出到門口, 我咪買囉當玩具又如何
哈! 果然成真即科水走人, 臨走前條友話緊金屬面版仲有拉絲鋼及多幾隻顏色返
返到入屋即熄電標總掣拿拿林搞, 拆開盒見到原來呢隻英國牌子都有design
接線有啡色, 藍色, 黃綠色標示, 就算無電工牌都識裝, 如無色盲話,再拆開面蓋睇
走線佈局分配得好精細, 條銅片好硬淨,唔似鐵鍍銅而內部兩條電線好粗,個殼極之硬身
阻燃工夫做到足,重料, 同樓下一般五金舖賣果十幾廿蚊雜嘜或斯耐X差好遠......
電影編: (擴音機YAMAHA DSP-Z7+ Sunfire 7201 Power Amp) 7.1聲道 聽後感
廢話講完, 立即熄燈開機重睇一次 "怪獸與牠們的產地" 部機一開聲當堂 嘩! 出
聲音出效果比起我第一次睇時雖未致於完全兩套戲咁誇張,但係果種細緻程度係有個
幾明顯分別, 因套戲已經係兩個星期前睇過,劇情已知所以更加將主意力隻中係聽聲音方面
呢套戲較多英國演員參與演出及作者 "JK羅琳"本身都係英國人關係
開頭都用幾多弦樂做背景音,聲音風格上都近似英國電影多 與"妖夜尋狼"果種打正旗號
美國荷利活式動作科幻片聲效係前者效為襟聽,到中間講到個仔放隻好似龍捲風怪獸出果段
聲音動態最為明顯,好容易就聽得出隻怪係兩旁建築物撞撞去,夾雜住中底頻音一齊都有一定條理
聽起上唔會好似第一次我睇時覺得有好似倒垃圾咁亂感覺,今次換個牆插聽得出
果發發去磚頭碎石中高音頻段比之前確實係清楚好多,細微弱音位出,成個感覺都立體
(電影編 總結:)
換呢個 "British General" 牆插係專登揀呢套重睇係方便做過A,B比較
除返開以唔使$500有兩個13A純銅片蘇位牆掣,有咁做工,用料及安全性而又有咁聲音水準
係同一般無任何改動牆身插蘇講性價比算好高,睇戲呢度我收貨
音樂編: (器材: Cambridge Audio AZUR 650A+650C) 2聲道 聽後感
蔡琴試音
換 "British General" 牆插後, 直到昨晚先有時間試兩聲道, 而小弟睇戲聽歌都習慣熄晒燈進行
而聽歌方面較為鐘情中慢版歌曲尤其女聲,早年係德發地庫入呢隻 "蔡琴試音"
兩聲道比起睇戲多聲道就更蝦入玩,更加充份試到隻牆掣係咪流料,一開機就點"渡口"
開頭果幾下鼓聲, 支鼓棍打落鼓面果浸低頻好似比起以前停留耐咁,個feel好Deep且開揚
有種環繞聲感覺添, 試過有幾下鼓聲我仲以為係咪對睇戲 Surround Speaker發出架 ?
無理由我影音分家架嘛, 不時另轉頭望一望對 Surround, 都幾得意,繼而到結他聲
比以前清晰好乾淨利落,似係結他手當時係企係較前位置, 結像力提升好多呀
當蔡琴一開聲頭幾句就更為明顯, 蔡琴成個人就直頭企正中間位一樣
對兩聲道 HIFI就好似換高一級 MODEL咁, 有咁表現, 聽到有谷眼淚非常之淘醉
一聽就連續幾隻碟, 唔覺唔覺都聽4粒鐘,真係估唔到唔使 $1000會有咁改善,底到爛
(音樂編 總結:)
今次一出旺角雖然悟打悟撞使錢,但又因為咁改變我固有睇法,電係影音表現上確實存在影響
而如有師兄暫時唔夠 budget買貴牌子電裝置話,都不防考慮下以上呢隻牆插,起碼好過你而家果隻不知明雜嘜好多
好多字， 用家心得！ raylee 發表於 2017-3-25 20:04
好多字， 用家心得！
好野不防介紹俾同好嘛 ^_^ akira11092 發表於 2017-3-25 20:29
好野不防介紹俾同好嘛 ^_^
睇落幾好喎，師兄可否pm邊到買，幾錢一個，thx{:6_142:} 師兄可否pm邊到買 真係咁堅?{:6_139:}
http://www.bgelectrical.uk/public/downloads/range-leaflets/nexus-metal_range-leaflet.pdf {:1_351:} 畫質有冇躍進? galleryng 發表於 2017-3-25 22:40
真係咁堅?
http://www.bgelectrical.uk/public/downloads/range-leaflets/nexus-metal_range-le ...
咦! 師兄犀利喎, 咁都俾你摷到料
睇返個官網原來呢間公司係英國己經有70年歷史係當地嘅名牌子
謝謝資料
https://m.youtube.com/watch?v=3VyTk66IkOI 師兄可否pm邊到買 Ching, pls PM where to buy