黑膠回歸是真是假？
新出的黑膠數量有幾多？出幾多雙CD才有一雙黑膠？而且現在錄音都是數碼化，壓製成黑膠咪又係數碼製品！
所以要玩就只有食冷飯菜汁，執番舊野來聽吧了！
只係懷緬過去黑膠的情緬！
今日上網見到呢段野：--
黑膠復興至少講了 10 年，年年都話黑膠回歸、復甦、黑膠不會死…根本都係宣傳伎倆。
美國「2014 Nielsen Music US Report」調查顯示黑膠唱片銷量按年上升 51.8%，大概是導致要做呢種講法的原由。
睇真啲，其實 Vinyl 在 2014 年度只賣了 920 萬張，CD 雖然按年下跌 14.9%，但去年都賣了逾 1.4 億張唱片呢！
去年度在美國市場最好賣的黑膠專輯是 Jack White 的《Lazaretto》，銷量 86,700 張。
{:1_332:} {:1_332:} {:1_332:} 黑膠回歸，首先是市場有利可圖，其次是因爲數碼玩左咁多年，cd開頭同黑膠鬥模擬味，係冇得鬥，所以新錄音玩高清，玩動態。
cd玩到盡，再出sacd，提高制式技術參數，但舊錄音其實只係在錄音室再執過哂，係唔同左聲，是否靚聲左，見仁見智。只有新錄音就真係可以發揮數碼特色的優勢。
跟住現在玩file，標榜無損，但都係行同一條路。
咁數碼玩到今日，大家都終於証實數碼係做唔到黑膠聲，咪終於有人玩返囉，雖說新膠好多都係dda，但好多人都有唔少存貨，世上亦仲有好多舊膠，只係香港炒得太貴啫，歐洲跳蚤市場好多碟仍只係幾歐羅一隻。
我就覺得黑膠回歸係好事，商業角度只會睇市場，「高檔音源」有得做的話，難保將來會再發展模擬錄音，如果係咁就好啦。 希望模擬錄音快D來...{:6_128:} 順帶一提...相信好多新一代人都較難接觸到舊膠既模擬錄音味, 其一新膠冇左隻味,其二叫佢地買一套盤連帶所有附屬品都要投資唔小錢總比聽FILE黎得麻煩得多. 其三就算入左手都須要摩索一輪先玩到靚聲. 但肯定只要聽過舊膠聲既用家一定會中毒.
呢一,二年黑膠真係多左人玩,連帶舊膠都開始越炒越貴.. {:6_146:} 我自己覺得數碼錄音是清晰很多，所以有些人就話數碼味，硬。而黑膠就沒那麼清晰，比起數碼來講，所以又有人話模擬味。 當年未有CD時，Telarc數碼錄音，被班音響雜誌大帝/雜誌寫手等驚為天碟，清晰，大動態。又無人大彈有數碼味。後來有DVD-A,SACD等，假DSD(用16/44.1轉做DSD)，又話非當好聲，SACD死後，現在又吹返黑膠好，唔現磁帶有無損失少許磁粉，什麼再混音，數碼錄音轉摸擬的幾重轉換失真造黑膠等，都吹捧話好聲，有味道，動態，伸延等黑膠贏哂。上述是我從1970年到現在所感受到的轉變。當年只得音響世界一本音響雜誌。正如當年有很多人話無高無低，膽機仲要有揀擇的流動廣播monitor 3/5a最好聲。 八十年代已有數碼錄音黑膠，譚詠驎，甄妮，都出過，係唔好聲。 現在數碼錄音已好成熟，新錄音唔會輸俾舊膠模擬錄音，不過各有勝長，係兩種聽法。
新膠唔及新數碼制式音源；數碼亦做唔到模擬舊錄音的聲音，所以兩者其實係可以並存。 所以有人問買咩器材好，我都會問究竟聽咩多，唔止係種類，而係新錄音定舊錄音。 我最近重新搞黑膠, 唔算好似以前甘落力. 望翻個市, 真係好似一個泡沬隨時爆
2手膠太貴了, 連普通的舊古典曲目重的版都是如此.
市面上聞說其實2手膠在香港local一直已不多, 是近年去外地轉入口去賣. 明眼心清的人都睇到, 有乜理由成日都是日本版2手黑膠 ?
無錯以新的一代而言, 現在唱盤平是很吸引去試玩, 但真實開始去研究唱頭, 線的人就好少.
不知道怎麼的, 令我覺會好似6-7年前的菲林相機潮一樣, 再玩多2-3年內一定玩完, 稍有CAS 上的突破的話就更快.
我信黑膠潮今次如果一完, 好大機會死得比90年代仲差.