2012 末日預言.... J J 小評 (含內容)
http://www.moviesuper.com/big5/Graphics/DATA/Information/IN-4644.jpg終於襯佢落畫前睇到呢齣戲，始終睇災難片戲院睇震撼度點都大d，唔講內容得唔得先，齋睇特技既朋友應該收晒貨，因為呢次d災難場面真係集所以過去災難片既大成，up得出既都有，所以好此道者既我當然收晒貨。
講翻內容，吹到咁勁究竟結尾收唔收到科架？總括黎講我覺得都叫講得通，但今次比明日之後既災難玩得更大，所以黎緊想再玩災難片既導演，睇黎真係要花下心思至取悅到我地d觀眾勒。結尾開頭估佢都係d大路野射上太空啦，點知原來玩坐船 (仲要made in china添，真係抵死)，呢o下真係估佢唔到。當中男主角個老細肥佬搞果個start engine既gag真係無得頂，我睇果場d人拍晒手掌。提外話：睇完個感覺個心有d唔舒服，因為真係拍得幾真實，感覺同我地距離好近，所以真係要多多愛惜地球啊！
總結：套戲略嫌長左d，有一兩parts既感情位都比到小小感動我 (不過真係好小，套戲咁長，其實玩感情果度如果可以再細緻d應該會更好)，學之前d師兄話齋，飛機走佬果度反而唔使玩兩次啦，睇時已經感覺重覆左。有d朋友睇完又可能覺得劇情唔合理喎，男主角點解可以咁好彩咁都走得甩架？呢點我覺得唔仲要啦，呢d爆米花電影但求睇果時帶比你觀能刺激，當中又比到d笑料你，幾兜野仲想點丫~~收貨啦！
頁:
[1]