《恐襲波士頓馬拉松》 ~ 一部可觀性高既對抗恐襲紀實片
本帖最後由 SonSon 於 2017-2-26 20:54 編輯導演同樣係彼德伯格, 演員同樣係麥克華堡, 上次深海浩劫係真實災難片改編, 呢次係真實恐怖襲擊改編. 雖然話係改編, 但130分鐘睇到既同當日係新聞報導睇到既分別唔大. 開首各人出場看似支離破碎, 就係一場意外令到各人一環扣一環. 片中會睇到FBI由決定一刻點樣調查恐怖襲擊, 重建案發現場, 逆向追蹤, 搜查大量商餔手電當日影片追蹤恐怖份子. 最深刻一幕, 因為要保留血液DNA而要將8歲小孩遺體原封不動擺放現場, 由警察留守, 冷清街道上加上警察有點落寞眼神, 最後遺體搬離一刻向小孩作最後致敬,鏡頭一轉救護車慢慢走過, 現場各人都向救護車亦肅然起敬...........睇到呢度已{:6_191:}
因為有大量當時新聞片段及詳細資料提供, 所以呢次劇本明顯準確及細緻, 追捕經過亦緊張刺激, 當中涉大量人物描述亦當細膩, 由其華人鄧明被脅持及逃離一幕更加令人心跳加速, 相對深海浩劫著重動作場面方面人物模糊更出色{:6_193:} .
恐怖份子為何襲擊無講太多, 可能唔想涉及太多政治原素. 至於爆炸場面及唯一巷戰, 可能會感覺冇咁勁, 但如果有留意當時影片或資料, 會發覺係還原事故多, 又或者導演唔想太誇張令到死難者有不敬. 片尾一如以往安排真人發表感受, 無任何批判著重團結, 其中一段影片有提到既波士頓紅襪隊在主場公開演說答謝警方及成功追捕恐怖份子...........一句"This is our fxxking city........"實在令人熱血沸騰{:6_164:} . 恐襲波士頓馬拉松真係誠意推薦比大家, 相信鍾意睇真人真事既唔會失望, 當日有留意呢單大新聞既梗非看不可{:6_193:}
P.S. 差D唔認得佢............Super Girl, 真令人刮目相看{:6_128:}
咁正 {:6_193:}{:6_193:} 真人真事拍得有戲劇性的話……，會唔會好睇過《Argo–救參任務》呢？ alleelarry 發表於 2017-2-27 00:10
真人真事拍得有戲劇性的話……，會唔會好睇過《Argo–救參任務》呢？
Argo可能係局內人先知真實度有幾高, 所以我當睇一套政治劇情片睇. 可能早年有留意恐襲馬拉松新聞, 所以感覺睇緊成件事故始末及進程, 緊張之餘又不失準確性
頁:
[1]