著眼於細微之處的升級 – Onkyo DP-X1A 高清隨身播放器
去年 IFA 2016 展覽時，Onkyo 展出 DP-X1A 高清播放器，這台 DP-X1 的升級版，近日終於正式推出。它改良了線路設計、發燒級電容、訊噪處理等等，令動態及細緻度更大，提升音質。評測詳文：https://goo.gl/gpXjUH
小瑟試聽緊，好快出個小評先 聽左一個下午, 之前一直都真係冇咩時間慢慢聽, 依家手上只有一對 SONY 陳年CHEAP耳機XBA H3, 不過都冇所謂啦, 事關聽慣左, 用來試下部X1A都好的.
依家聽緊MJ既192kHz file, 聽pop野來講, X1A比我覺得係厚聲左好多, 成個音樂厚度提升左好多, 即係溫暖左好多, 但好彩, 佢厚左又唔會厚到濛果隻, 起碼D音音位都仲係可以聽到的, 不過就唔會係好爽脆果隻高音感覺,X1A的分離度都過得去, 不過就唔係音場可以闊到伸開哂二隻手咁闊, 而係好似係2-3尺左右圍住你既感覺, 尤其係聽BLACK OR WHITE時, 一開頭個細路同個肥佬講野時的感覺最明顯.
再來就係試下聽LADY GAGA最新大碟 JOANNA(48bit/44.1kHz), 小瑟最鐘意聽 sinner's prayer, 低音都係一貫一下一下的打入耳道, 快同短既, gaga把聲又係厚低, 係X1A+H3之下, 小瑟覺得有小小過厚, 低音結他出得唔係好夠爽朗, 呢首歌既BIT好爽口的, 呢個組合下小瑟唔係好ENJOY到.
唔信邪, 再來聽下AGA的16/44.1版《認》, AGA一開聲, 冇得頂, 人聲真係好靚,一開頭一枝結他一把聲, 出得唔錯, 不過結他有小小痴地. 唔得, 要試下換耳機先, 換上PHILIPS X2先, 一換上 X2即將音亮調返上142先夠聲. 好再聽《認》先......今次一開聲, AGA把聲同結他夾得好好多了, 人聲向前近左好多, 音色亦都順滑返好多呢.
最後再聽埋ROCK野太極新碟點夠喉先, 大家都知X2係開放式, 要佢出到實在的低頻都幾難, 所以呢首小瑟要開盡 160 先可以夠聲, 一輪左去右的鼓聲定位好清晰, 係X1A夾X2呢個組合上, 雖然點夠喉都多樂器同幾多唔同聲氣, 但X1A都出得有條有理, 只係欠小小重ROCK味, 比較上斯文左小小, 呢點係X2方面的定位問題.
小瑟覺得X1A需要睇下你聽咩多的, 同埋X1A係一開機同煲一輪都有幾唔同的較果, 小瑟相信煲夠佢200小時真正進入狀態時, 係穩定性同力水的控制力應該會更好.
onkyo 好似冇2.5mm balance cable 既入耳式耳機。開頭仲以為E900M 是配DPX1a。原來冇2.5mm 插跟。真奇怪。 EddieN 發表於 2017-2-15 19:27
onkyo 好似冇2.5mm balance cable 既入耳式耳機。開頭仲以為E900M 是配DPX1a。原來冇2.5mm 插跟。 ...
E900M可以自己換線, 呢部X1A我個人覺得用銅線會比銀錢好呢~~ 考慮緊 ORB~~ 睇中XBA-Z5,佢跟機有條線3.5mm x2plug. 如果有2.5mm balance接3.5mmx2 adaptor,我就可以唔洗換線。各位師兄知唔知邊處有。
頁:
[1]