《西遊伏妖篇》︰炒冷飯
今次西遊係星爺同徐克合作，如果想睇吓佢哋會擦出乜嘢火花，就可能會失望。今次兩位淨係交到普通嘅作品，雖然係好過星爺同郭子健合作嘅上集西遊。
故事實在不能強求，基本上係四師徒取西經嘅經歷，唐僧角色比較上有趣，塑造成一個吹牛，行為帶點「賤格」嘅和尚，同上集實在有少少唔連戲，尤其係唐僧仲對段小姐耿耿於懷，明明上集結尾講到唐僧開始看化這件事。三師弟真係麻麻地，悟空延續上集暴戾性格，豬八戒好色，悟淨存在感比悟空八戒低。最麻麻地係戲裡最後感動位係由電影中後段先出場嘅白骨精，角色設定近乎翻炒徐克監制舊作倩女幽魂，算唔算顛覆就見仁見智，但小弟自己覺得徐克有少少技窮。
笑料方面…實在麻麻，同上集差唔多。開頭好有睇小人國嘅既視感，中段唐僧同國王表演跳舞翻炒上集西遊唐僧跳舞嘅笑位。國王後宮佳麗…又用舊橋，小弟諗呢套戲笑料睇第一次就笑得出，第二次可能睇到無癮。特技唔會話好似徐克套蜀山傳咁惹人失笑，畢竟依家國內技術叫進步咗，不過肯定無荷里活大片做得咁好，後段大戰拍得唔錯吓。
總括而言，今集西遊叫做合格，有時間又唔抗拒套戲用舊橋可以睇吓。
我都睇左, 只係當時想睇下廣東話, 所以入了場, 冇帶期望, 所以都冇點失望.
爛片未至於, 好片冇佢份, 再講細D就係...(未睇的人可以飛過)
第一係笑位, 如粗人兄所言, 舊橋, 從小睇周星馳戲的我(430穿梭機起), 覺得星爺的笑料大致上可以歸納於以下幾點
1. 如花, 可以話係周導無厘頭文化中的一個重點橋段, 個人啦, 覺得係一種肉麻當有趣, 用強烈反差(唔只要醜, 重要去到盡搵樣衰到極點的人妖)去營造喜感的手法, 但由於如花類的笑點本來就在於突兀, 而家幾十次後重可以有乜野突破? 靠數量去突破, 只會更核突, 另人反胃, 我唔係話樣貌, 但睇電影整一大堆醜女的確會影響心情. 戲中利用大量樣衰女角去製造笑料, 實在笑唔出.
2. 騎尼歌舞, 周導未曾拍過歌舞片, 但從王晶時代, 已經喜歡係戲中間放入至少一段的歌舞, 從早期整蠱專家的我要努力向上, 破壞之王的情花開, 凌凌漆的李香爛...到佢自己執導的功夫足球的少林歌舞, 醬爆舞, 最近就有美人魚的無敵是最寂寞同問誰領風騷(好有心地同時討好兩岸觀眾)等等, 有不少係用舊歌, 搞笑之餘又搏到共嗚, 我都受, 但睇多了, 又係有D悶...西遊系列就自然係個首我唔太知係乜頭乜路的兒歌.
3. 特技
周導都算係一位興時平進的導演, 係執導後, 於視覺特效方面都算落本, 如功夫足球, 功夫等等..當時亞州的CG水平還不算高, 亦能理解, 但今次搵了韓國的DEXDTOR(但唔知實在製作係邊了)去整了大量神怪角色, 的確未算好好, 但還算除導有心了, 衝在呢一點我想加分畀佢的.
故事實在麻麻, 如粗人兄所講, 炒冷飯一作也.
至於最後的彩蛋, 即係所謂不是彩蛋的彩蛋, 真心講句, 早排有一套超始英雄片已經類似橋段啦, 好心佢就米鬼咁CHEAP再用啦, 我寧願佢唔放好過, 自找沒趣. 我見其實電影網 d人小到套戲爆… mike384 發表於 2017-2-1 11:20
我都睇左, 只係當時想睇下廣東話, 所以入了場, 冇帶期望, 所以都冇點失望.
爛片未至於, 好片冇佢份, 再講細 ...
美人魚我無睇
反而我老豆有睇，都係接受唔到
暫時星爺做導演最好睇係功夫
唔計笑料，起碼個故事叫做寫得唔錯
唔知係咪劉鎮偉做監製關係…{:6_165:} 小瑟 發表於 2017-2-1 11:39
我見其實電影網 d人小到套戲爆…
douban評分好低吓
個分低過美人魚
其實小弟覺得唔關徐克事{:6_123:} 星爺做導演有個問題，就係人人都變左周星馳。 粗人敵卡 發表於 2017-2-1 14:11
douban評分好低吓
個分低過美人魚
其實小弟覺得唔關徐克事
我認為除克已盡力, 唔係佢搵大話西遊個理玩的話只會更衰. 再補充少少, 今次的配樂亦都幾令人失望, 係功夫入面, 見到佢大用傳統音樂, 東方的有東海漁歌, 西方的有吉普賽空氣等等, 當時都覺得幾有氣氛, 但上套美人魚無端端整首三一萬能俠, 到今集的個套經典日劇主題曲...真心講句, 了無創意LOR. 其實都係嗰句.........星爺都係專心做返演員好D, 至於導演嘛..............{:6_146:} 等無線播。