《魔海奇緣》今日一家大細初三去睇魔海奇緣粵語版
本帖最後由 alleelarry 於 2017-2-5 19:28 編輯魔海奇緣
今日一家大細初三去睇魔海奇緣粵語版，買咗中午十二點場，誰不知都好爆，好多大朋友同小朋友，非常熱鬧。
電影好迪士尼風格，講勇氣，環保，畫面好靚，有好好聽的歌曲，情節一浪接一浪，顏色鮮艶，加插一些特別角色，惹人發笑。有一些場景表現惡魔的黑暗都幾迫真，我個仔都睇到捉實我隻手，更有現場小朋友哭起上來。
配音方面，女聲比男聲突出，原本好期待張繼聰的生鬼佻皮，但角色唔夠女角搶。
故事結尾比女主角以勇氣克服困難，對小朋友有鼓舞作用，值得一讚。
我俾8.5/10分
{:6_242:} 睇咗英文版，我都比8.5分，呢套可以話係一套將Disney傳統式音樂劇動畫完美地以現代CG技術泡制出黎嘅新經典，比同Studio之前幾套做得更好{:6_193:} 年初一我一都帶小朋友睇咗，值得推介{:6_193:} 多謝 分享師兄 我都尋日睇左, 真正DISNEY風格電影, 雖然故事都係偏向大人啱睇D, 但今次呢套黎講見小朋友邊睇邊笑都真係叫做成功, 希望將來會多返D可以啱大人細路睇既動畫, 而唔係包裝for細路, 但內容for大人... 尋日都同屋企人睇左粵語版, 習慣上自己睇外國動畫係喜歡睇原文的版本, 但屋企人想聽配音冇計啦.
加上上年的ZOOTOPIA黃子華的精彩演繹(算係我第一次自願地去睇的中文版迪士尼卡通), 都冇咁擔心了.
但一入戲院冇耐就聽到D唔太明的廣東歌, 可能係我廣東話未夠好啦...哈哈哈...好有教會FEEL.
整體都OK的, 美術畀心機.
但留意到一樣野, 就係角色的口型都FIT哂落廣東話, 即係話呢個版本係專為廣東話配音版RENDER出黎的,. 而家大部份3DCG動畫電影都係咁? 定淨係迪士尼? 又記得早兩年PIXAR個套講兒童心理的片中, 又為了某D區域, 連細節都改埋, 如係日文版中, 主角不喜歡的食物中, 用青椒去取代西蘭花, 話更符合日本小朋友挑食的現況.
頁:
[1]