香港著名漫畫《壽星仔》作者上官小強離世 終年66歲
本帖最後由 lukalok 於 2017-1-24 22:07 編輯香港著名漫畫《壽星仔》原作者上官小強(原名陳國賢)，本月13日因病逝世，終年66歲，遺孀在社交網宣佈死訊，定於下月11日紅磡世界殯儀館設靈。
當年獲上官小強一手提攜的甘小文接受《蘋果》電話訪問，證實上官小強離世的消息。他說：「係呀，聽到群組啲朋友講，邱福龍喺佢fb都有講。佢係我伯樂，當年班0靚仔畫畫冇地方登，佢出咗本小強漫畫，我哋成班0靚仔有地方登作品。當時同本壽星仔拍住上。」
黃玉郎印象中的上官小強是斯文的好書生：「不過佢畫嘅壽星仔好俏皮、好抵死。同埋佢係一個生產力、產量好正常嘅漫畫家，我哋個個都三更半夜畫，佢就好正常朝9晚5時間，對佢離世感到好可惜。」
漫畫家鄺志德表示：「應該係半年前強哥開始唔舒服，早幾日漫畫星光大道嘅周年活動都唔見佢，以為佢唔得閒，佢係後輩好尊重嘅畫家之一。強哥兩年前通過波仔，相信佢走都係同心臟有關。依家都傾緊幫強哥搞悼念活動。」
有傳上官小強近半年身體欠佳，住醫院一段時間，有些朋友想探病，但其妻代強哥婉拒好意，稱想低調養病。大半年前，眾人為他舉行「壽星仔」fans聚會，活動前上官小強發燒入院，差點令活動取消，不過之後他見情況好些，即堅持繼續，不想令fans失望。可惜最後還是難敵病魔離世。
上官小強是香港漫畫界惹笑漫畫風格開山祖師，曾提攜「惡搞鼻祖」甘小文、為巨星設計演唱會的朱祖兒、畫《鐵將縱橫》的邱福龍及林祥焜等等。其筆名包括「陳小強」、「凌霄」和「狄龍」等等，作品以《地球保衛戰》、《小木偶》和《足球小將》為人所熟識；而1973年創刊的《壽星仔》更是港漫代表作。
60年代，16歲的上官小強因為其出版連環圖的父親生意失敗，故惟有跟前輩上官小龍學畫漫畫，當時根本無心以漫畫為終身事業，還打算做幾年後就轉做銀行：「比較容易賺到錢。」
1973年，上官小強在上官小寶的《73漫畫》創作「壽星仔」一角，大受歡迎，後來更獲黃玉郎羅致旗下。上官小強曾謂《壽星仔》創作靈感來自史諾比四格漫畫，主打風趣幽默兼通俗，情節無聊似王晶電影：「我呢啲漫畫好粗糙，但唔知點解好受大家歡迎。黃玉郎要我喺報紙供稿，需要大量稿，所以我迫不得已，寫咗好多好多，每日寫兩版，寫到冇乜嘢可以寫。惟有四圍睇電影睇漫畫，改編吓，點知畫咗十幾年。」《壽星仔》就由70年代一直連載至90年代，出版單行本達四百多期，是香港長壽漫畫之一。
主角壽星仔最初設定為神仙，後來經幾番改動才變成凡人，跟強記、彭蛇、珠女、火蔴仁一起製造笑料，屬單元故事，角色可以死而復活。最大特色是用白話對白，粗口俗語照出，「你老闆」、「八婆」口沒遮攔，曾有家長投訴粗鄙教壞細路。
至1975年，上官小強帶著《壽星仔》跳槽到「玉郎機構」旗下，至1989年另立山頭，成立了「小強出版社」和「好老友製作室」，至近年上官小強結束出版社及製作室，專心打理其位於旺角信和的「收藏家港漫專區」，專心賣書賣卡。
http://hk.apple.nextmedia.com/enews/realtime/20170124/56218398 R.I.P. {:6_148:}{:6_148:} R.I.P!!!! 上官小寶>>> Bruce Lee !!!{:1_351:}
頁:
[1]