後現代復仇者聯盟之英雄內戰 -《3X反恐暴族：重火力回歸》
本帖最後由 alleelarry 於 2017-2-7 15:26 編輯前言（入場前的心境）
個人最早睇到 雲·廸素 演身銀幕，就係 1998年《雷霆救兵》，但其實一直唔記得呢個 Private Caparzo 角色。令自己留下極深印象就一定係 2000年《黑煞天魔》既 Richard B. Riddick，當年係睇港版 DVD，而家已經去到 4K 年代……。直到 2001年時，一套《狂野時速》就肯定無人唔識佢啦！而自己最喜歡佢做既角色實則係 ，以極限運動作招徠，2002年《3X反恐暴族》中既 Xander Cage！
∇ 1998年《雷霆救兵》Private Caparzo
∇ 2000年《黑煞天魔》Richard B. Riddick
∇ 2001年《狂野時速》Dominic Toretto
∇ 相隔 15年之久，Xander Cage 再一次回歸大銀幕，入場前既心情的確有D類似，Rambo 於《第一滴血 III》11年後再現銀幕《Rambo 熱血回歸》，究竟仲得唔得架！？現年 49年歲的 雲·廸素，從不久前既《狂野時速 7》黎睇，狀態睇落點都 FIT 過當時既龍哥既，純以「情意結」既心情買飛入場……
∇ 導演意識解到丹爺既「宇宙最強」稱號，所以電影中既角色，加入「最強」兩個字既紋身。
故事
打打打、爆爆爆，之後又係打打打；我係「叉」人，我都係「叉」人，「叉」人會照顧自己，壞人死了，但拯救世界呢份「叉」事又點可以話放低就放低，大概還會「叉」（拍）下去了吧！（註：「叉」= X）
看感
正如標題咁講，故事模式的確與《復仇者聯盟》近似，不管故事內容、人物造型到設定都向它致敬；本來唔大驚喜既故事，講得太多就唔好睇架勒！雲·廸素作為製片人之一，少不了加入《狂野時速》系列既手法，得要找個位子讓已往自己缺席時的替代者「歸位」，從而令整個故事緊扣及連結起來，好與壞就只在乎你喜不喜歡呢個系列而已。有時候，自己真的會把《3X反恐暴族》及《狂野時速》當成是同一個系列咁去睇！既然由頭打到尾的話，儘管故事唔夠突出，亦有丹爺既參與，找個大銀幕入場睇，會是個人的建議！
評分：6.5分 我第二集冇睇嘅原因都係因為冇咗Vin Diesel，睇嚟呢集要留意吓。 最重要打大好, 爆炸場面多 睇左2D版, 會再睇 IMAX 3D 版 MSZ 發表於 2017-1-20 10:40 static/image/common/back.gif
我第二集冇睇嘅原因都係因為冇咗Vin Diesel，睇嚟呢集要留意吓。
查實第二集都唔算差，但少左個始祖就點都會「扣」左分！
個人就好喜歡呢一集搵個位比 ICE CUBE 出黎亮下相{:6_175:} jason1969 發表於 2017-1-20 11:30 static/image/common/back.gif
最重要打大好, 爆炸場面多
他日出碟就算無新音效的話，大概也可當作試機碟用，一爆就好幾分鐘{:6_142:} HenryYuan 發表於 2017-1-20 11:53 static/image/common/back.gif
睇左2D版, 會再睇 IMAX 3D 版
電影業最喜歡呢一類朋友仔，睇完可以再睇{:6_193:}
但話時話，呢套無用上任何 IMAX 專屬器材，3D 器材更加無……，但 2D 畫面都好正！ 睇左 故事一般 冇悶場 打架場面0k ltho3k 發表於 2017-1-21 07:37 static/image/common/back.gif
睇左 故事一般 冇悶場 打架場面0k
得一味，打打打、爆爆爆，而且丹爺個別場口既演技好攪笑！
[*]向前跑之後跳落對面大廈，鏡頭運用四五十年代既方式去營造「快」既效果{:6_183:}
[*]丹爺看見雲迪素比打低時，狂叫對方個名，太過 OVER，勁似「吳若希」個D「點解既？」{:6_176:}
本帖最後由 mike384 於 2017-1-24 17:27 編輯
小弟星期日都去睇了早場, 開頭冇耐瞓了一小陣, 後來都ok, 總算睇完.
雲迪素並唔算係我喜歡的演員, FF系列, 頭兩集係一次旅行時導遊係車上放VHS...第一次去戲院睇係冇佢份的第三集, 後來4去睇左但真心唔LIKE, 5同6有神奇女俠, 所以OK!! 7就一般啦, 大多光頭佬, 唔知佢係米想搞返個光頭平反社團...
但佢的電影中, 我唯一覺得佢好的, 都係個個大大隻但又ON居居的美軍CARPASO, 較適合佢, 個D什麼勁男勁人...唔太FIT 佢, 其實佢可以挑戰下基佬的(雖然佢本人大力否定)
而較近期的比利林恩中, 佢又一次扮美軍, 下場好似都係差唔多XD.
講返呢套XXX, 模式係FF啦, FF成日FAMILY前FAMILY後, 呢套就X前X後...丹爺有戲份但冇乜賣點, 踢幾下例牌腳就收皮, TONY JAA更慘...扮到隻MK仔咁幾下膝撞就玩完.
重有個位印度美女...D英文真係勁....
其實2我好似冇睇的, 不過XXX第一集, 如果有碟的人可以睇下, 佢尾場用了一個類似手提飛彈發射器的物體, 有一幕係CLOSE UP, 一眼就睇到個控制器係個用噴油噴灰左的手提攝錄機...大片WOR, D道具組真給力...
頁:
[1]
2