[少量劇透]《Arrival》︰未夠好嘅科幻片
睇呢套戲嘅原因純粹係追導演Denis Villeneuve，之前睇過佢嘅Incendies、Prisoners同埋Sicario，幾鐘意吓，嚟緊Blade Runner 2049佢做導演。今次《Arrival》唔好俾預告誤導以為有打外星人或者大型戰爭場面，所謂動作場面呢套戲一一欠奉，反而走文藝走向。電影前半段凝造出一種神秘感同埋遇見外星生物那種緊張氣氛，Amy Adams飾演嘅Louise同外星生物溝通充滿著奇幻感覺，好欣賞外星生物嘅「水墨畫」風格嘅文字，可惜Amy Adams於與外星生物溝通，對人類自身語言嘅探討等等哲學問題無更進一步嘅探討。而中段以Jeremy Renner飾演嘅Ian旁白交待女主一眾人如何學懂外星生物語言，節奏推進過快，「語言」變成推進劇情嘅工具，手法上小弟覺得麻麻，另外結尾嘅twist有少少反高潮，少少浪費了電影前段鋪排，有少少可惜。
角色方面…Arrival故事對男女主角色發展寫得未算好，女主內心戲拍得未算詳盡，而Jeremy Renner、Forest Whitaker等角色…尤其Forest Whitaker喺呢套戲算係可有可無，Jeremy Renner嘅角色略嫌平面化。而電影鏡頭算拍得幾靚吓，Amy Adams開頭嚟到外星生物降落地面一刻拍得幾正吓，外星生物嘅太空船design幾前衛。暫時小弟睇過咁多Denis Villeneuve導演嘅戲，小弟排呢套最後，最好都係Incendies。
總括而言，Arrival劇情推進有瑕疵，但氣氛唔錯，科幻片迷又唔介意淨係睇文戲可以入場睇吓。
講吓我點排小弟自己睇過Denis Villeneuve導演嘅戲
Sicario > Prisoners = Incendies > Arrival
另外，有人話Arrival套戲係講決定論
所有事情會注定發生，無可能去改變(有少少牽涉到劇情)
唔知睇咗呢套戲嘅師兄認唔認同{:1_342:} 粗人敵卡 發表於 2017-1-15 17:06 static/image/common/back.gif
講吓我點排小弟自己睇過Denis Villeneuve導演嘅戲
Sicario > Prisoners = Incendies > Arrival
另外，有人 ...
敵卡師兄，個導演仲有一套叫Enemy{:6_193:}
推薦你睇{:6_190:}
開頭個舖陳真係做得幾好，而且配樂到位
不過故事略嫌過於簡單，平淡
開頭就幾乎知道Louise失去女兒，Ian和Louise的關係，同太空船引發的事
可能係因為咁所以我覺得整體真係好平淡，好平淡
但又唔可以話悶，研究文字的部份其實都幾好睇
但除此之外，就真係好平淡咁就完左 ((我朋友睇到瞓著 {:6_136:} B-BONE 發表於 2017-1-16 00:01 static/image/common/back.gif
開頭個舖陳真係做得幾好，而且配樂到位
不過故事略嫌過於簡單，平淡
開頭就幾乎知道Louise失去女兒，Ian和L ...
女兒嗰條母女線…真係無乜太大起伏位
有少少諗起interstellar嘅父女線
interstellar就感人同煽情得多{:6_165:} 粗人敵卡 發表於 2017-1-16 08:23 static/image/common/back.gif
女兒嗰條母女線…真係無乜太大起伏位
有少少諗起interstellar嘅父女線
所以咪話好平淡，但其實一開始Louise講到個開頭其實又幾吸引，但之後睇落又唔覺得係d咩野
Interstellar 當然好好多啦師兄 {:6_139:} B-BONE 發表於 2017-1-16 00:01 static/image/common/back.gif
開頭個舖陳真係做得幾好，而且配樂到位
不過故事略嫌過於簡單，平淡
開頭就幾乎知道Louise失去女兒，Ian和L ...
科幻文藝呢家野，真的唔係人人受得到！ 可能我對科幻, 講時空/時間的電影都有興趣, 所以我又覺得幾好睇. 我反而唔太喜歡「打外星人」果類外星人電影.
我覺得成套戲都幾緊張. 緊張不是指好密集式的畫面, 而係個氣氛. 我在場時都有「跟住會點?」的想法. 不過我都認同睇時要比較專注, 因為好多野可能只係用對白帶過就算.
我覺得電影另一重點係"選擇", 正如電影內提出「假如你知道將來會發生咩事, 你會唔會試圖改變佢」, 而女主角明知佢個女將來會有cancer而死, 都照樣生佢出來. 始終人生唔係只睇結果, 而係感受個過程/經歷. 否則人始終一死, 唔通咩都唔做? gashapon 發表於 2017-1-17 10:47 static/image/common/back.gif
可能我對科幻, 講時空/時間的電影都有興趣, 所以我又覺得幾好睇. 我反而唔太喜歡「打外星人」果類外星人電 ...
個女嗰段都算發人深省，睇自己價值觀係點
成套戲氣氛的確幾有壓迫感，尤其開頭入太空船嗰段
加埋音效同配樂幾震撼{:1_253:} 粗人敵卡 發表於 2017-1-16 08:23 static/image/common/back.gif
女兒嗰條母女線…真係無乜太大起伏位
有少少諗起interstellar嘅父女線
《星際啟示錄》要消化好耐先開始理解，但《天煞異降》簡單易明，反而睇到有D傷感！
頁:
[1]
2