終於到小弟食老麥啦 !! 最後揀左佢, MA7000!
本帖最後由 hoyin13 於 2016-12-30 10:49 編輯遲來的包膠, 其實小弟已收機差不多兩星期, 其間一直煲緊同試緊唔同線材既分別, 所以未有時間及時出報告真的抱歉{:6_136:}
有睇開小弟留言既師兄們都知小弟想食老麥好耐, 等左咁耐終於同太座傾掂數可以入手了{:6_178:}
入手過程都想講少少, 因為近期老麥突然好熱門咁有幾位師兄連續開箱, 有見及此小弟當然吸收下師兄們的意見先去馬啦! 最後搵返一位服務態度好好的 sales 哥哥去幫手試聽仲出埋機.{:6_193:}
首先小弟冇諗過會係呢一次聽完就即刻落訂, 原因係試完即岩, 同埋今次有太座 support ! 唔洗再揀 ! 同埋 sales 哥哥一流的服務 !{:6_236:}
今次試機既 CDP 只得 金仔 DP-550 一部, 我心諗用佢黎試返金仔 E600 應該係絕配啦, 一入房就試左 E600 先. 但我記得應該只係聽左 3-4 首歌, 太座已經叫我轉老麥試, 其實自己心入面都係同一個諗法, 第二次聽 E600 再加埋佢的 CDP, 都始終唔係自己杯茶....{:6_152:}
再黎就係換機試老麥 MA6700 (用原裝 Jumper), 一開個下我同太座都即刻醒左, 都係佢岩口味! 那種醇厚, 那種聲音的質感. 換埋另一條 Jumper 之後, 弱音同高音更出更明顯, 呢次係我第二次聽 MA6700, 心諗都係你 ga la{:6_134:}
好 la, 到最後梗係試埋 MA7000 (用原裝 Jumper), 講真小弟真係未聽過老麥的旗艦合併機係咩一回事, 只係見師兄們寫過佢同其他既分別. 但一開聲個下, 我心入面爆左句粗口: XX, 完全唔同感覺既同 6700!{:6_121:}
其實一開聲個下已經贏左換了 Jumper 時的 6700, 係多左個份空氣同通透, 線條亦比 6700 清晰. 我一聽就明之前另一位師兄所講 "根本就係推自己去死"既意思{:6_159:}
換了 Jumper 再試個個變化自己就覺得冇 6700 咁大, 唔知係咪本身部機已有一定水準...
其實聽完自己都知咩事, 只係之前同太座講係買 6700 的, 但兩者價錢只係相差唔夠 7k...於是就出現了以下插曲.
我問太座聽完覺得邊部最好聽, 佢竟然諗都唔諗就直指 MA7000, 之後就話: 你都係買呢部 la{:6_127:} 我聽完都呆呆地, 不能相信呢個事實般{:6_157:} 最後就落訂比錢走人!
因故事比較長, 下一層會留位開箱同放相的....
本帖最後由 hoyin13 於 2017-1-3 22:02 編輯
終於有時間寫埋開箱呢 Part!!
首先我好想向所有獨自開過老麥既師兄講聲, 小弟真的十分佩服你地!{:6_237:}
因為我想講部機+包裝真係好x好x重! 而且兩層箱中間都有好厚的海綿{:6_200:}
小弟一條友出盡九牛二虎之力先成功將佢寬衣解帶, 之後原來仲要反轉佢再鬆綁先正式完成, 淨係做完以上動作已經差不多冇哂力{:6_202:}
因為真係太倦, 所以先要放在地上點燈休息一陣先, 聽下佢把聲. 估唔到一聽就成粒鐘{:6_214:} 因為真係太好聽, 同對藍眼睛太靚了{:6_128:} 以前 Creek 100A 比唔到的高低音, 彈性, 動態, 弱音, 細節同空氣感都出哂黎!! 但講真, 小弟聽落後覺得 Creek 100A 真係一部好好既入門機, 其實對比起新機未開聲的 MA7000 黎講, Creek 100A 都唔算輸九條街, 最多兩三條{:6_138:}
原來 Fuse 同 MA8000 唔同的, 過一兩個月後換埋佢先
最後再要出力搬埋佢上位, 執返好 d 線, 終於可以慢慢嘆下啦!!{:6_210:} {:6_211:}
實在太靚, 根本就係一件藝術品{:6_212:}
聽感
而家部機都應該煲左過百小時, 個味道先開始出黎, 其實同新開機都幾大分別. 那種厚純既味道, 停留在空氣中的音樂感等, 都係慢慢才煲到出黎, 全部都係小弟最喜歡老麥既地方.
此外, 佢比以前明顯多了尾音, 可以聽到歌手係點樣將一句歌詞做結尾, 點去處理. 樂器聲的分析力同低音的彈性更出色, 而且更靜, 更可清楚聽到每一樣樂器的位置.
小弟搞咁耐先出到包膠係有原因既, 因為分別係兩位高人度借左線返黎襯佢把聲, 左試右試又係一種樂趣{:6_238:} 遲下另出 post 同各位分享下
恭喜師兄，好羨慕 你好ching請問可以pm幾銀同邊樹入手? 最緊要都係要有個好老婆~!! {:6_138:}{:9_426:} MA7000 推LS50 ?
推LS50 , 個聲係點嫁?
MA7000 推LS50 都可能係我下個目標..... 你太座真是{:6_193:} 老麥旗艦合拼唔8000咩？
不過7000已經好正好滿足了，等樓主報告 本帖最後由 orhui 於 2016-12-29 19:55 編輯
{:6_212:}{:6_178:}{:6_157:}
Ching 我都想知幾錢&邊道買呀可否pm比小弟參考吓{:6_138:} ！
Thx！ 恭喜師兄，好羨慕有麥記食{:6_149:}