對於生小朋友, 小弟有以下睇法 .........
(或者小弟以下所講會有所冒犯部份師兄師姐; 唔係有心既, 只係諗到乜野就講乜野, 希望各位多多包涵)
小弟認為, 小朋友係一個人, 唔係寵物, 唔係一份保險, 更加唔係一件工具
換言之作為父母, 生小朋友, 應盡量避免懷有一種 "以小朋友達成某種目的" 既心態 ; 不論係為咗幫自己解悶, 抑或為咗令日後生活有所保障, 甚或至係將某一項責任交俾佢........ 呢啲想法, 未免將小朋友當成 "達到自己目的既媒介"
小弟之所以斗膽咁講, 其實係基於兩個想法:
1) 小朋友來到世上, 其實佢地自己本身係無得選擇出世與否! 既然佢地根本無機會作任何決定, 為何要負擔起任何責任呢?? 或者有人會認為 "世事就係咁樣, 我地父母都係咁"..........但試問, 上一代父母既想法, 何必搬到下一代身上?
2) 假如父母為咗達成自己目的而將小朋友帶到世上的話....... 於日後照顧小朋友時, 往往會將自己目的放喺第一位! 即使犧牲小朋友本身既天賦或潛質, 往往亦在所不惜
最常見既例子, 就係父母為咗將來有人養活自己而生小朋友, 往往就會逼小朋友拼命讀書, 希望佢將來有高薪厚職嚟養活父母......... 試問當中, 有幾多父母會考慮到, 小朋友本身既天資及興趣是否喺讀書方面? 如果小朋友本來唔適宜讀書, 而適合藝術創作........ 試問有幾多希望 "養兒防老" 既父母會選擇俾小朋友發揮所長?? 相信無幾多個會咁 "偉大"...........結果, 小朋友就成為咗父母私心既犧牲品, 行自己唔喜歡既路 ; 相對於舊社會盲婚啞嫁既做法, 進步有幾多?
由於以上兩點, 小弟同太太都認為, 生身育女其實只有兩個考慮:
1) 無能力照顧自已現時及晚年生活的話, 就唔好生兒育女, 做好預防措施 ; 有意外的話, 就只好自嘆唔好彩....... 唔好要小朋友代替自己承擔責任
2) 能夠通過第1點的話, 就順應自然...... 不為任何目的而生兒育女, 但亦無需刻意迴避
12# Raphael
都係架, 所以我一直抗拒生細佬咪就係咁解囉, 未結婚之前同老婆講左, 我唔會考慮有細佬既, 點知結婚後老婆成日心思思, 但我都堅持, 正正就係因為我想唔到生細佬仔既原因, 但唔生細佬仔既原因就滿腦子都係! 有時聽人地講話呢D野要講兩公婆溝通既, 我就覺得晒氣, 一係生一係唔生, 仲溝乜野通呢, 唔生就兩個人既事, 但生既就三個人既事喎, 咁當然都係唔生啦! 不過呢D野好難講, 人人都有唔同想法, 就如之前有ching都講, 日後可能真係有細佬的話, 想法又可能會唔同! 無論點都好, 珍惜眼前人先最緊要, 最緊要大家開心!
11# ewartuen
有小朋友真係要放棄好多野架........
12# Raphael
有咁諗發,張來如果有小朋友都一定係一個好爸爸.{:6_193:}
好後悔出左呢個post, 將自己既惡夢講左出黎, 我睇今晚訓唔著都得囉! {:6_154:}
其實生細佬唔係一時沖動，真係好大承擔 ... 不個我自己又唔贊承抱住個心態，自己老左時有個細佬可以照顧自己或另一半。講真，就算佢從少聽教聽話，大左肯照顧自己都好，對佢都係一種負擔。更可況事與願違，甚至乎學 ...
wil-wil 發表於 2009-11-23 18:38 http://www.post76.com/discuss/images/common/back.gif
認同！
17# lkljason
身為男人更加知道呢個決定有幾重大, 因為真係要咩上身, 反而我老婆就講得輕鬆, 成日話, 可能到時又無想像中咁大問題呢, 有時都唔知係我想太多, 還是佢想得簡單!
生啦 {:6_222:} 生啦 {:6_222:}
19# googleli
如果俾我老細知我忽然有呢個想法, 強姦我都似, 所以都係上黎同班ching吹完就算啦!
唔想生可以有十萬個理由，要生一個理由就夠！
時間唔會等你決定，遲咗想生都難！！！
我都有個女6個月大，每朝返工前見到佢對住我笑，真係覺得嘜嘢問題都已經唔係問題！
(唔係同pinkhung生架){:1_262:}
玩具嘅嘢，有得玩咪玩囉...
