精準而誠實 Wilson's Audio Lab reference power cable
Wilson兄係本地的DIY高手，我一直都知道呢位ching的存在，但一直無機會試佢的工藝，今次佢開鋪，仲有折就梗係要試吓啦。去相先，都幾靚仔
我將此線放在player 的LPS,呢條線首先令我欣賞的係佢嘅分析力，以呢個價錢而如此分析力實在難得，聽到好多弱音同細節，而音樂的線條同動態亦有好的表現。
首先聽玉置浩二的「群像之星」，此碟的錄音同「酒紅色的心」唔同，錄音制作比較厚潤，我用了「04 玉置浩二 - 果然還是喜歡你」來試音。用此線後，聲音的細節、浩二的口水抖氣聲都比較清楚，細節感很好。
之後再試「宮崎駿的豎琴世界」，豎的撥弦聲非常實在，聲音清脆，但亦保持著豎琴扣人心弦的感覺。
最後再以此線插在拖板上，力水很充足，同時保留著此線的優點，多番掙扎後，最後決定將此線用在拖板上。
而音色上佢係非常中性，聲底平衡，無刻意tune甜d聲或令某個頻段突出，係一個好好的訊息傳送者，我形佢為「精準而誠實」。
播人聲、鼓聲、交響樂等都表現良好，四平八穩。此線唔會令你「嘩！」一聲，卻能讓你陶醉於音樂中，各位想追求中性不偏聲的線材，此線為一好選擇，又可以支持本地製作！
P.S. 廣告時間，好似而家仲做緊優惠(去到11月30日)，有買趁手啦
頁:
[1]