Popbot2012 發表於 2016-11-20 23:08 static/image/common/back.gif
我估個Adapter 係將兩個2.5mm負極接去"地"度, 實際上應該要用4.4mm 插頭先可以發揮到4.4mm 平衡的作用 ...
冇d咁嘅事 - 2.5mm去4.4mm都係左右正負極直接咁接返對應嘅針位，地線留空唔接。
AK 2.5mm 針位係R-/R+/L+/L-
4.4mm 針位係L+/L-/R+/R-/GND. 電路上正負極接返就完全對應的。
其實個地位係個規格上係預留未來用嚟取代埋3.5mm 3極，即係部機用一個4.4mm接頭就攪掂。
即是現在用既4/8絞線，只要換返4.4平衡頭就可對應？而2.5平衡<>4.4平衡轉線都無問題？
jeffyw 發表於 2016-11-21 00:18 static/image/common/back.gif
即是現在用既4/8絞線，只要換返4.4平衡頭就可對應？而2.5平衡4.4平衡轉線都無問題？ ...
yes。電極對返就得。
nanaholic 發表於 2016-11-20 23:56 static/image/common/back.gif
冇d咁嘅事 - 2.5mm去4.4mm都係左右正負極直接咁接返對應嘅針位，地線留空唔接。
睇圖 sony 條4.4平衡應該係4芯 1 Shield , 我估4.4平衡多個地作用係減少干擾
小弟係呢方面只係識少少皮毛, 希望師兄可以糾正
本帖最後由 nanaholic 於 2016-11-21 00:49 編輯
Popbot2012 發表於 2016-11-21 00:35 static/image/common/back.gif
睇圖 sony 條4.4平衡應該係4芯 1 Shield , 我估4.4平衡多個地作用係減少干擾
小弟係呢方面只係識少少皮毛 ...
其實如果你睇返sony d部件圖同相，依家個4.4mm雌插針位係根本冇飛線出嚟接地....
http://trendy.nikkeibp.co.jp/atcl/pickup/15/1003590/091400461/?SS=expand-digital&FD=-360501342
佢依家個頭未係主流所以佢係用係最主流嘅平衡接線，爲嘅就係可以同依家市面上嘅線同耳機可以加個轉插就用到。未來或者可能真係可以用埋條地線減噪，但依家一定唔會咁做/做唔到。
如果用到就最好了，改革無問題，聲音有質素，但都要兼顧大部份玩家既情況，始終ak2.5平衡頭，是現在既主流，加轉插/改頭，比較容易接受。
jeffyw 發表於 2016-11-21 00:51 static/image/common/back.gif
如果用到就最好了，改革無問題，聲音有質素，但都要兼顧大部份玩家既情況，始終ak2.5平衡頭，是現在既主流 ...
其實依家平衡頭最大分別係得個型狀唔同，線路唔會唔對應....
唔同插頭嘅優勢多數係其他地方，例如接觸面阻抗，插頭強度，便利性等等。
其實2.5mm係呢方面全部客觀上都係最差，接觸面太細所以阻抗高，插頭強度差，插針容易彎曲，製作嘅便利性又低。但係AK係一哥用得多d人接受咗咁解。推翻佢唔係冇好處。就算唔講4.4mm, 客觀上mini XLR都係好過2.5mm, 不過mini XLR個雌插好難做得細，唔利於便攜用途咁解。
nanaholic 發表於 2016-11-21 00:47 static/image/common/back.gif
其實如果你睇返sony d部件圖同相，依家個4.4mm雌插針位係根本冇飛線出嚟接地....
http://trendy.nikkei ...
唔知部TA-ZH1ESv有冇做到呢?
nanaholic 發表於 2016-11-21 01:04
其實依家平衡頭最大分別係得個型狀唔同，線路唔會唔對應....
唔同插頭嘅優勢多數係其他地方，例如接觸面 ...
要等4.4頭，相信都仲要一段日子先可以係香港隨處買到，睇大家對sony呢次既改革有幾大接受程度，反正我信了，用住3.5聽先。
jeffyw 發表於 2016-11-21 01:11 static/image/common/back.gif
要等4.4頭，相信都仲要一段日子先可以係香港隨處買到，睇大家對sony呢次既改革有幾大接受程度，反正我信 ...
其實今次4.4mm真係推得好啱。
本來係有間廠首先發明咗呢個插(NDICS)，佢sell比Sony, Sony覺得正已經想用，咁啱Sony又聽到JETA見音響界太亂放聲想統一個平衡頭，Sony就介紹個插比JETA，最後JETA就攞住呢個頭得到曬所有日本音響廠嘅同意之下先立嚟做標準。剩係呢度我已經覺得值得支持。本來Sony可以自己獨食，但佢都知道佢自己一間廠獨食甚至註冊埋又會比人話佢走偏門所以索性比JETA推爲全日本標準呢個選擇已經知道Sony内部嘅思想改進咗唔少。其實今季新機我覺得最衰反而係Onkyo/Pioneer唔合作，不過最後睇過見佢哋d新機其實只係新瓶舊酒換個殼先覺得唔奇怪。如果一次過三間廠都用4.4mm佢哋已經夠同2.5mm死過。
