女版敵對邊緣《狙擊．309》
呢套戲雖然香港係剛上畫，但己係2015年的電影，舊年女主角重係北京電影節取得獎項。題材方面，其實同十多年前的狙擊手電影《敵對邊緣》 相當似：
1. 主角都係根據真人事改編，雖然性別不同，但同樣係二戰時，服役於前蘇聯的殿堂級狙擊手
2. 都係戰火出戀情
3. 前者的演員係俊男，但後者不論真人或演員都係美女（真人係經歷過戰爭的士兵，相比下粗豪好多，但都係靚女）
相比下，《敵對邊緣》入面的主角都冇個係真的俄羅斯彧德國人。。。尤其係男主，說服力真較低。
4. 當然不少得敵軍的精良武器，包括空軍，雖然係都係CGI又短，但亦交足功課了。
5. 兩套的商業元素都較重，動作愛情兼而有之。呢度係有D扣分的。
但到感動的位，都真係感動，女主角演出好好，其他女配角相比下就差了少少。
而基於小弟對女主角的偏愛，我認為係作為一套娛樂片黎講，雖然本片成本不及《敵對邊緣》，但整體上更吸引。
小弟，今次畀7.8分，推介畀喜歡睇戰爭動作片的各方好友。
比較的話，我會將它同荷李活套美國追擊手比！
兩者各有特色：
荷李活始終商業味重，尤其多槍戰場面，討好發燒友，而且英雄味濃
而呢套意料之外咁人性化，特別是俄國電影！
起初以為是歌頌二戰英雄(雌)，有如大陸的抗日劇咁上下
點知完全將(女)主角描寫成凡人，無將她英雄化
廚房一場戲，女主角的PTSD表達得很真實
當然片中亦有踩美國(同以前的蘇聯)
睇得多荷李活片．轉下口味亦不錯
不過可能成本所限喇，戰爭場面不多
想睇戰爭片的會失望！ Ahfour 發表於 2016-10-26 01:31 static/image/common/back.gif
比較的話，我會將它同荷李活套美國追擊手比！
兩者各有特色：
荷李活始終商業味重，尤其多槍戰場面，討好發 ...
經你一提, 都係似, 不過奇連伊士活就冇咁刻意放商業味落去了, 手法亦更高明, 好多時, 平實自然先難拍呀.
而呢套戲, 日本上時直頭叫~~~
頁:
[1]