我愛災難片之《深海浩劫》向死者致敬之餘勿忘生態災難
本帖最後由 SonSon 於 2016-10-3 10:45 編輯幾年前既墨西哥灣鑽油台爆炸引發漏油事件, 造成11人死亡, 差不多漏油漏足3個月, 依稀記得當年係美國石油公司人為失誤引致. 成套片就係真人真事改編, 講述當日事發經過. 頭半部主要集中各個角色編排性格等, 但係略嫌比較表面, 可能唔想太渲染在世既人卦??反而石油公司職員尊麥高維治一切以公司利益行先, 負責鑽油台既卻羅素及麥克華堡一切以安全為先既衝突較有深入描寫. 影片可以見到老板一方即石油公司為咗慳錢及追回落後進度, 忽略安全重要性, 雖然卻羅素及麥克華堡堅守原則, 但始終係被委託打工, 最後都要屈服強權之下. 最無奈一幕係卻羅素係各員工面前剛領取由油公司頒發7年來最安全獎助, 但轉眼間意外已發生............
成套片戲肉當然最觸目係火海爆炸場面, 好明顯睇到呢個鑽油台係實景搭建, 所以油噴,爆炸,火海,各人逃生場面係非常迫真亦好有真實感, 單睇畫面都好震撼. 各人逃生場面就無好似其他災難片咁九死一生或有角色衝突場面出現, 雖然都有成員口角及為大多數人安危而犧生場面, 但都係點到即止亦無特別煽情. 到最後大家獲救, 卻羅素第一時間點人數, 最後集體為慶幸生存及為死者祈禱, 明顯為死去既同胞致敬之餘亦比人感覺似一大家庭, 相比石油公司職員虛偽成強烈對比. 尊麥高維治事發後一直目光呆滯, 卻羅素一直目無表情, 麥克華堡事後失聲痛哭, 雖然帶領眾人逃生, 比人感覺英雄但咪又係普通人一個..............
最後想講既係深海浩劫雖然只係講返當日事件經過, 但唔會有悶場, 真實得黎又唔會比人感覺誇張, 唯一要扣分係漏油造成既生態大災難隻字唔提, 呢個破壞性同影響性相信唔會低過11條人命..........
P.S. 日後出碟都會買黎收藏, 相信會係另一套幫十仔全面運動甚至係試機天碟........... 劇情基本上係平舖直敘, 但場面震撼, 大量爆炸試機位無數!! 不可錯過嘅碟!! 朗 發表於 2016-10-4 18:59 static/image/common/back.gif
劇情基本上係平舖直敘, 但場面震撼, 大量爆炸試機位無數!! 不可錯過嘅碟!! ...
Agree{:1_343:} 我提供另類意見：
剪接太過零碎，沒有把用心佈置的實景呈現，浪費了。 朗 發表於 2016-10-4 18:59 static/image/common/back.gif
劇情基本上係平舖直敘, 但場面震撼, 大量爆炸試機位無數!! 不可錯過嘅碟!! ...
平舖直敘先似真人真事{:6_176:} 係普通7.1戲院睇都好勁, 應該BD唔會差去邊{:6_193:} jc2ssych 發表於 2016-10-5 10:52 static/image/common/back.gif
我提供另類意見：
剪接太過零碎，沒有把用心佈置的實景呈現，浪費了。
剪接零碎就唔多清楚, 但搭咗咁大個實景, 除咗開首冇耐有幾個wide shot影到較宏偉外, 其餘時間冇乜點用盡, 例如逃生時鏡頭配合會更好. 本帖最後由 jc2ssych 於 2016-10-5 15:37 編輯
SonSon 發表於 2016-10-5 14:20 static/image/common/back.gif
剪接零碎就唔多清楚, 但搭咗咁大個實景, 除咗開首冇耐有幾個wide shot影到較宏偉外, 其餘時間冇乜點用盡, ...
我認同逃生該爭分奪秒，拖長會好無稽。但話晒係電影最高潮位，去得太過快，啲鏡頭快到睇唔清楚發生咩事。
從來只有低成本的B-movie，才在部份場景做快速剪接，因為明知無靚人靚景睇，拿拿臨hea過咗就算。
Peter Berg的製作一向認真，今次實在有點浪費。{:6_181:} jc2ssych 發表於 2016-10-5 14:29 static/image/common/back.gif
我認同逃生同爭分奪秒，拖長會好無稽。但話晒係電影最高潮位，去得太過快，啲鏡頭快到睇唔清楚發生咩事 ...
如果逃生場面拖長加重咗危險程度, 會唔會有機會英雄化咗主角救人事實?? 呢點可能會有違導演原意{:6_141:} 本帖最後由 jc2ssych 於 2016-10-5 15:54 編輯
SonSon 發表於 2016-10-5 14:45 static/image/common/back.gif
如果逃生場面拖長加重咗危險程度, 會唔會有機會英雄化咗主角救人事實?? 呢點可能會有違導演原意 ...
也同意這個講法。Based on true story難度實在高！
災難片劇本把主角英雄化很容易，經典如《海神號遇險記》、《明日之後》和《加洲大地震》。裡面的主角，總是「接近上帝的男人」，有「洪荒之力」撐起整個故事捱到最後。
嘗試過用同為真人真事的《Everest》、跟《深海》做對讀。兩者焦點相若，同為有人爭名逐利，莽顧安全。而前者在處理 角色描寫 和 場景拍攝技術 的難度，決不會比後者容易。兩部戲我都在同一個放映室觀看，坐幾乎同一個座位，不知何解，去年看《珠》會覺得睇到好多嘢，離座時除高叫「好睇！」外，還有一陣餘韻。但昨天看《深海》時，覺得故事有點短，無太多嘢交待，整體印象唔深刻。未知大家是否有類同感覺。
總括，我想表達，要如實反映事實、尊重遇難者、照顧家屬及生還者的感受、整體高質視覺和聲音效果，要四者兼顧是萬分困難。《深海》已盡力而為，但平衡上尚未達到頂級造詣。 後記：
可能真係題材所限，雪災水災，可以捱到一時三刻，而火災捱到嘅可能性較低。
頁:
[1]
2