《真．哥斯拉》真好睇的哥C奶
一代怪獸之王，係經過數次REBOOT後，又一次REBOOT。我其實第一次對哥斯拉有印象的，係第一套REBOOT，84年的《哥斯拉》，片中並冇其他怪獸，同50年代的第一作一樣地，以一個突然出然的危機登陸了日本，故仔唔算有新意，但卻隨著時代，加入了新武器，X兵器等去吸引觀眾，之後在日本，哥斯拉都冇REBOOT過，每集只係放新對手同佢打，但所謂新對手，其實都係舊作出過的，只係RENEW一下就算。
之後荷理活曾拍過兩套，第一套以大熱姿態成為爛片，第二套不過不失，但除了特技可觀外，亦冇太多賣點。
而呢一集，除了係日本哥斯拉30年來的第一部REBOOT外，，係某角度上己超越了一般REBOOT，首先，以現代日本特攝黎講特技方面算係有明顯進步，故事上更有新的突破，導演用了哥斯拉呢個災難去拍出更多的故事，如主角的一東一西的年青政治家，同一班本來冇機會出頭的科研人員，而係政治方面的描寫比其他同類的災難電影更為立體（但用政治片的角度睇就略嫌幼稚，呢點我個人係諒解的），而係哥斯拉的橋造同生理，亦比往年的一味神化的拍法更為有說服力。
而主角的哥斯拉，相對於以往的怪獸之王，或破壞神，導演更畀了佢一個較新鮮的身份，詳細就等大家睇完再討論啦。
呢套電影我個人畀8份，係近年的日本片中較出色的，當然，喜歡一味打打打的看官就未必LIKE了。 劇情好唔好見人見智不過個人覺得隻哥斯拉真係好膠
頁:
[1]