新居的5.3.4
本帖最後由 chhanthony 於 2016-8-23 12:52 編輯早幾個月為咗個仔可以有多啲室外地方走動，由屋苑搬到去村屋住，
搬咗幾個月，套系統基本上都叫做完工。
由於今次係租人屋住，大攪裝修就無乜可能，
好彩就係同太太爭取到用盡個廳玩，因為sofa貼牆，玩唔到7.2.4，
唯有玩住5.2.4先，要玩大畫面，又要幕中心到eye level，
所以擺放嘅器材高度唔可以高過12"，咁唯有用最平嘅淘寶機墊，
啲機平排咁放咗喺地下，加埋兩隻subwoofer，
就係咁因土地問題唯有放棄座地喇叭，改用掛牆，
cheap精又係走去ebay用六千幾買咗三隻M&K S125返嚟頂住先，
後面兩隻就用返之前對M&K SS150 MKII，
最後頭頂四隻over top speaker又係用千幾蚊一對喺ebay買返嚟嘅M&K K5，
Processor一早鎖定Anthem嘅AVM60，鬼佬又cheap嘅係得佢，
又好彩cheap精又執到二手，平幾千。
Power Amplifier單用Cary Model 7.250唔夠推9隻speakers，
又好好彩喺ebay用USD1500買到部極新嘅Krell TAS，
就係咁就用TAS推ground level嘅5隻speakers，
7.250用嚟推over top speakers。
到幕又係cheap人揀cheap嘢，之前幫人校機時見過隻JK拉縄白幕，見效果唔錯就自己上去淘寶揾，
今次用揀用119"灰幕希望可以幫到下部cheap cheap Benq HT1075嘅黑位不足，
連運費兩千五港幣，真係幾cheap下，可惜買完裝好先知自己買錯commercial幕，
同埋因為係單面摩打所以隻幕會好快巢，果然用咗一個用就開始見波浪，
睇怕過多三幾個月就要換。不過暫時個畫面出嚟都幾滿意，頂住先啦。
成套系統基本上已經完成，啲線就幾個月都未收好，好似聖誕燈咁，
希望下一論換projector同幕時可以一次過攪好佢。
試聲嘅機會比喺舊居少咗好多，好彩嘅係起初以為住村屋一定唔炸得機，
不過試過幾次喺下午炸下機後問啲隣居，但個個都係聽唔到聲(可能我炸得唔夠勁卦)。
{:6_128:}{:6_128:}{:6_128:} 好勁正 有無得家訪 本帖最後由 chhanthony 於 2016-8-23 14:08 編輯
dd88 發表於 2016-8-23 14:02 static/image/common/back.gif
好勁正 有無得家訪
dd88兄
可以盡量安排，一般得星期六下晝，就到時間嚟坐下吹下AV經。
地方大 , 玩機也精神些 {:1_328:} 本帖最後由 Szelong 於 2016-8-23 14:21 編輯
搬左去邊呀？好大喎 Anthony師兄，見到你D Cheap嘢真係令我流口水。{:6_193:} Szelong 發表於 2016-8-23 14:20 static/image/common/back.gif
搬左去邊呀？好大喎
西沙果頭，用咗Wide鏡覺得好大啫，加上無擺飯枱所以好似好大。
其實成個廳只係二百零呎左右， fm31331 發表於 2016-8-23 14:30 static/image/common/back.gif
Anthony師兄，見到你D Cheap嘢真係令我流口水。
成個系統都係人棄我取嘅二手貨，
加上新居只係油下潻油，真係失禮晒。