人造木耳大測試之 Denon DNP-730AE 個人聽覺報告
不知不覺, 呢個幾月已經試咗同寫咗 5 個人造木耳大測試個人聽覺報告: {:9_434:}人造木耳大測試之 Pioneer N-70A 個人聽覺報告
http://post76.hk/forum.php?mod=viewthread&tid=242033
人造木耳大測試之 Cambridge Audio CXN 個人聽覺報告
http://post76.hk/forum.php?mod=viewthread&tid=242075
人造木耳大測試之 Aurender N100H 個人聽覺報告
http://post76.hk/forum.php?mod=viewthread&tid=242484
人造木耳大測試之 Cambridge Audio Azur 851N 個人聽覺報告
http://post76.hk/forum.php?mod=viewthread&tid=242833
人造木耳大測試之 Marantz NA8005 個人聽覺報告
http://post76.hk/forum.php?mod=viewthread&tid=243646
每星期都收機搬機返屋企又開箱又插又試, 連老婆都話連環好多晚來來去去都聽嗰幾首嘢(都無計, 小弟盡量都想用同一set歌去試, 咁先容易記得個分別)... 講真係有少少攰...{:6_136:}
今次止痕專家wil總搵嚟既Denon DNP-730AE, 無論係價格同重量上都係咁多部機以嚟最平最輕~ 真心講, 去到呢個地步, 除非係貴價機或者旗艦機種, 想提起興緻再去做同一返動作都真係有少少難度, 仲要今次既Denon DNP-730AE, 可謂未搬上屋企都已經覺得唔會有咩性趣...{:9_431:}
但代理借得機嚟無可能聽都唔聽就hea咗佢架~ 一見部機又係新機, 心裡面又打咗7折, 咁既真入門機種仲要係新機?! 話佢識飛自己都唔會信, 但止痕專家wil總一次又一次咁叫小弟去試, 咪理, 開咗箱先~{:8_383:}
機仔細細, 連陸寶都話佢細~~!!
家姐陸豆仲望都唔望~~!!
果然呢部得2.9kg既Denon DNP-730AE比起3.5kg既Cambridge Audio CXN輕, 仲要發現無咩中文網既寫手介紹過!! 咁慘喇!! 好彩都搵到一篇台灣人講日本版既DNP-730RE, 大致上係似既, 除咗欏柚有少少唔同, 但小弟睇spec估內部應該差唔多: {:8_374:}
http://www.head4.net/news_detail.php?ID=699
至於specification可以睇返官網:
http://www.denon.co.uk/uk/product/hifi/networkplayer/dnp730ae
再一次慘既係, 呢部Denon DNP-730AE如果作為純network player, 只係得光纖數位(optical)輸出, 而用埋DAC部分就只有RCA類比輸出, 而電源線係8字頭~~!! 全部嘢同之前試開既架生唔同, 即係無可能用同一組同軸/USB/電源線去比較...{:9_433:}
小弟無8字頭電源線(本來諗住整條比PS4但又懶未做), 而佢條電源線仲要係2腳圓頭~!!!! 咁我咪要用旅行轉插先插到拖板~!!! 仲有, 小弟更加無特別用過optical線(雖然曾經有DIY高手同小弟講過, 數碼輸出用optical好過同軸, 但小弟用開USB, CDT又係用AES, 咁咪無用過optical囉), 只有一條OPPO 103既跟機optical線, 咁....唯有閒米煮閒飯啦....{:6_188:}
一部平價入門機種, 一條跟機既8字頭雞雞電源線+旅行轉插, 再加一條跟另一部機既雞雞optical線, 仲要無咩人試過機, 真係諗起都唔開胃...{:6_186:}
但, 世事既嘢咁易比小弟估到, 我一早唔使做退休啦~~!! {:6_183:}
長氣都再講, 小弟唔識太多技術嘢唔係睇數字做人, 只係一個"唔理乜7, 啱聽就得"既永遠新手~~!! 所以分享都好少講咁多咩技術, 純係個人既木耳報告only~~ {:9_436:}
測試器材
再一次介紹吓小弟既垃圾屋企器材比大家知, 只供大家參考呢次既分享報告, 並無任何試圖或意圖展示或示範家居HIFI/AV器材, 或提供任何器材擺位指示或示範, 小弟亦唔會對任何有關以上類似或疑似提問作任何回應, 如任何人試圖或意圖根據以下器材作任何自身家居添置, 當中既後果本人一概乜都唔會負責: {:9_431:}
NAS: Synology 212+ (Mistral EVA-U13抗震板, SANWA cat7 lan線)
LPS: 7輸出LPS比NAS/router/switch/nowtv/GPS clock/CuBox (自製4N純銀溝純銅DC線)
DAC: Antelope Zodiac Gold (5N純銀DC線, 自製4N純銀溝純銅古河碳纖頭尾美式電源線)
clock: 強國製GPS clock (5N純銀BNC線接DAC)
拖板: 超厚鋁殼+IeGO Pure Silver IEC座+Wattage 381 RH EVO+古河GTX-D鍍白金肉+2mm4N純銀接線+自製4N純銀溝純銅古河英頭電源線直入牆身獨立電+Synergistic Research black fuse
HIFI架: 強國製爵士木架
地盒: PAC reference地盒 (Jensen 2mm純銀地線接DAC)
前級: Mark Levinson 26s XLR版 (5N純銀古河balance頭接DAC, 自製4N純銀溝純銅古河頭尾美式電源線)
後級: Mark Levinson 23 (Sommer Excelsior XLR接前級, Neotech 3200古河英頭電源線直入牆身獨立電+Infinity Power 3 Platinum fuse)
speaker: ATC SCM40 (自製4N純銀溝純銅+STAR純銀蕉插+WBT0681Ag叉插喇叭線及jumper, Harmonix RF-909X-B喇叭墊)
原本streamer: CuBox-i4Pro (SANWA cat7 lan線, Entreq Challenger USB接DAC點+Entreq Eartha Silver地線)
測試streamer: Denon DNP-730AE (SANWA cat7 lan線, 雞雞optical接DAC, 跟機8字頭雞雞電源線+旅行轉插)
今次既所謂AB test真係超唔公平, 2部streamer既輸出有分別(Cubox用USB, 730AE用optical), 而令到本身線材都有超大分別(雞雞optical基本上唔使錢, 而條Entreq Challenger USB+Entreq Eartha Silver都過一皮; 而analog輸出仲要係balance同rca分別, rca係black cat lectraline xe, balance則係小弟根據vhaudio既做法用佢既包棉5N純銀加古河頭做既), 而CuBox既部分一早煲到熟晒, 而代理送嚟既730AE係新機.... 皆因係全新機, 咁小弟就用HKAVE2016送嗰隻碟"audio compass"裡面既burn-in tone去煲返1-2日先. {:9_413:}
一開機, DNP-730AE同NA8005一樣自己搵network, 至於個remote就係咁樣喇, 小弟都係無乜掂過隻搖控~ {:9_439:}
雖然控制部機app話係denon, 但其實基本上同馬仔個app係同一個樣, 分別只係黑色底同金色底, 同埋denon同marantz個名囉, 嗱, 大家睇吓係咪一樣喇~ {:8_396:}
既然係同一個app, 咁呢個就同馬仔app感覺一樣, 設計唔錯, 靚仔之餘穩定性好, 未試過彈走, 而熄機之後隔日開返, 之前個playlist仲喺度, 之前嗰啲app一早無晒啦~~ 呢個係加分位~ {:9_426:}
至於CuBox.... {:9_418:}
試聽報告
Part I - 730AE只用作streamer, 經optical數碼傳輸到Antelope Zodiac Gold作解碼
首先試既係小弟喺CD rip出嚟既16/44.1 PCM file, 最主要原因係因為Antelope Zodiac Gold唔support DSD同唔會做任何upscaling.
有睇過小弟之前既人造木耳個人聽覺報告系列, 都可能會對小弟呢個song list有少少熟悉, 都係用佢去作為聽覺報告既參考~~
先試人聲 - Angel《2014原音精選》, The Prayer《Andrea Bocelli - Sogno》
唔止個app一樣, 連部機既display都同NA8005一樣, 部機都係無封面睇架, 要睇就睇個app啦~ (真係擔心呢部機根本就係NA8005既低階版...)
一開聲......噢, 我係咪調轉咗金鹿既source? 望吓的確係optical喎, 又望吓啲線, 無插錯喎.....{:6_121:}
真係要用若希mode講: 點解既??????
如果話我知呢部係全新機既話真係好難信, 完全無任何新機既濛同"立"既感覺, 聲音係有少少生硬但唔多, 高低頻伸延無CuBox去得咁多咁盡, 而聲音取向係偏向順滑又唔誇張, 聽落係幾自然同幾舒服~ 喂, 真係唔聽唔覺, 呢部730AE論整體平衡度, 比起貴佢差唔多2-3倍既NA8005同CXN更好喎, 聲底比CXN厚啲但又無NA8005咁厚, 幾啱小弟口味喎~~{:6_143:}
再嚟樂器 - 春江花月夜/新版十面埋伏《聆聽中國》, Jazz Variants《Manger CD》
都話display同NA8005一樣, 部機梗係唔支持中文架, 都係靠個app啦~
人聲聽落幾得, 斷估樂器唔掂喇啩~~ 點知....我又變若希: 點解既??????
春江花月夜同新版十面埋伏其實唔算係好多樂器要好高分析力要求既曲目, 喺呢2首歌嚟講, 730AE出嚟既樂器定位同音場都有CuBox既7-8成, 分析力真係唔錯, 只係低頻既punch弱少少無咁實在, 尾音較長, 質感差少少, 對比CuBox既深音場同大氣勢, 畫面上730AE係比較flat少少~ {:6_178:}
當然, 到去到超復雜既Jazz Variants, 730AE既高低頻開始出現接唔住既情況啦, 不過中頻仍然唔錯~~ 大佬...又係嗰句, 呢部入門機仔咗喎.... {:6_181:}
Part II - 用晒730AE streamer+DAC部分經RCA傳輸PCM到Mark Levinson 26s前級
對RCA係black cat lectraline xe, 係5N純銀線, 條線本身小弟係用喺phono去前級既~
呢一part都係試小弟喺CD rip出嚟既16/44.1 PCM file, 純係聽下730AE既DAC部分.
DAC部份同金鹿比要輸就梗架啦, 真係唔好比小弟耳仔話我知可以打成平手.... 論分析力不及金鹿, 但730AE既中頻仍然吸引, 但分析力既不及亦都令高低音表現比之前淨用network player時潛水feel咗(不過唔係潛得好深啫~), 好彩自然同平衡度都仲幾好, 速度比之前慢咗少少, 而聲音密度係下降得最明顯, 雖然畫面係平面咗, 但整體嚟講係OK既~{:9_408:}
Part III - 用晒730AE streamer+DAC部分經RCA傳輸DSD到Mark Levinson 26s前級
都係因為Antelope Zodiac Gold唔support DSD囉, 又用上次問毒峰借既一首Danny Summer既結他低泣時《諳II》嚟試.
播放DSD既表現, 730AE又拎返唔少分數, 清晰度比PCM時更好, 唯一可以彈既就係密度唔夠, 不過3千蚊機仔點會要求高密度呀~~{:9_429:}
總結
今次可以話係跌晒眼鏡, 亦都係一個教訓, 如果一切純以價錢純以形象純以"自以為是"心態去睇Denon DNP-730AE, 小弟真係要喺度同佢講: 對唔住!! {:6_162:}
真唔知係自己有病有事定點, 如果以小弟今次試聽(唔好理價錢)去做結論, 整體上小弟真係覺得呢部Denon DNP-730AE係好過Marantz NA8005同Cambridge Audio CXN(都唔係輸Pioneer N-70A好多, 如果唔鍾意厚聲既人可能覺得仲好過Pioneer N-70A), 起碼除咗試機時聽嗰啲歌, 我真係會用呢部Denon DNP-730AE聽多咗2晚(用network player部分)~~ 仲要用緊雞線, 如果比返啲補品佢咪仲得了??!! {:6_161:}
我會覺得呢部Denon DNP-730AE係知道自己弱點, 佢走自然同順滑柔和路線, 用嚟聽pop/jazz其實都好夠用, 除非要佢出大掤嘢就吃力啲~ 音色舒服可以聽得落真唔錯, 再計埋佢價錢同埋可以聽埋DSD, 如果有朋友有CHING想要部平靚正network player, 以$5000以下筆直, 小弟一定係會推介呢部Denon DNP-730AE~~!! {:6_193:}
小弟都知咁寫都未必有人信, 建議有興趣CHING去試吓先, 有啲嘢真係講都無人信~~!! {:6_214:}
以上純係個人經歷及個人睇法, 並無任何強制建議或指示, 不喜勿插, 謝謝觀看~~!! {:8_387:} 好精彩！ 我買嘅有中文顯示嘅。。。。 4u2c 發表於 2016-8-22 12:13 static/image/common/back.gif
我買嘅有中文顯示嘅。。。。
咁呢樣就唔知點解, 可能有得update firmwire啩~~ {:6_180:}
咁小弟借機試當然就唔會update佢, 始終部機唔係自己既都唔會點搞~ {:9_431:} Ching,
請問你在那裡買呢？
Thanks.
dawn710 發表於 2016-8-22 12:44 static/image/common/back.gif
Ching,
請問你在那裡買呢？
師兄你梗係無睇晒小弟個post, 小弟係問代理借機試咋~~ {:9_407:} 六爺強呀！不停出野{:6_193:}
攪到小弟都心思思想整返部{:6_229:} 本帖最後由 HaiFaiYau@FB 於 2016-8-22 14:06 編輯
六爺精彩報告！正{:6_143:}
Denon入門都聽得下…{:6_135:}
暗示或明示代理…唔介意佢抬佢部中級、甚至高級型號試試糸咪仲有進步空間…就更正？
不竟入門級太少in / out put{:6_136:} HaiFaiYau@FB 發表於 2016-8-22 14:02 static/image/common/back.gif
六爺精彩報告！正
Denon入門都聽得下…
Denon既network player得一部, 無咩入門級/中級/旗艦試喇~~ {:6_180:} ykluk 發表於 2016-8-22 12:43 static/image/common/back.gif
咁呢樣就唔知點解, 可能有得update firmwire啩~~
咁小弟借機試當然就唔會update佢, 始終部機 ...
我的是madein china的。。。。