《樓下的房客》九把刀故事風格 但只適合小眾…………
第一次仲早過開工就開場睇既一套戲， 當然可以睇下午或夜晚，但習左睇早場兼平價就無所謂啦，早起身體仲好添在無睇預告，只略知故事小許既情況下入場，對我黎講絕對合乎無期望就無失望呢個期望，但本身自己對九把刀作故事風格都有興趣，因為佢唔會走大眾既路，不過又唔會扯到九唔搭八，只要你個人鍾意睇戲兼諗戲就啱晒，所以我會俾呢套戲8 / 10分
故事有點類近日本橋段，但佢玩得黎又做到嗰種“到最後你就電影知睇既咩戲”既感覺，唔叫深奧，唔叫難接受，唔叫過份，只係將種種唔大路又唔係人人受既配搭合而成一。
基於結局係整套戲既中心，如果有興趣及睇過下相關資料同埋唔介意劇透左而入場睇既各位可以睇埋落去……
故事開始好簡單 就係任達華所管理既大廈房東 將房間租出俾不同背景既人屋住 當然佢唔會係咁簡單啦 佢間房入面可以睇到晒各租客既所有動態 簡單咁講……
佢係一個變態佬
如果對呢套戲有留意既話都知佢係扮演一個精神病患者 但每種病都一定有原因至會形成 所以整幢大廈內所有房客既前因後果 其實係睇緊佢病發經過。
人心內有幾多種人性或人格 相信每佪人唔多唔少都實有一至兩個 但因為華哥多年來既經歷而變得佢出現多達十個或更多人格分裂出黎 形成最後結果亦唔係傝所願意出現。
到最後講解返華哥身份時 我覺得有小小係對杜sir以往俾佢既角色作一個致敬 就好似李修賢做戲扮警察一樣 日後好多人都以為佢係真警察 呢d某種度上都算做人格帶動一種
最後總結係雖然話就話人生幾十年 話長唔長 話短唔短 偶然間做出既行為可能只係個人既發洩 但其實背後所影響既效果係無可想像 例如以前阿媽教百厭仔會用藤條打佢地(好彩我阿媽唔會) 看似係一種催促方法 但另一面亦係一種催化作用 影響深遠。
(Post76 Android 手機版送出)
頁:
[1]