2016 AV Show買碟收穫以及聽感報告一則
少少遲來的買碟報告~~
8月5號去睇AV Show,人山人海,上午11點左右到會場,排隊買飛人龍排到去隔離個hall,排左30分鐘先埋到counter,見有展會紀念2CD套裝嘅入場券就買左.然後會場內係環球counter買埋慧嫻SACD boxset同憶蓮陪著我走嘅UHQCD.
先講展會兩張CD,只係拆左SACD版,而且先聽CD層,第一首舊夢不須記已經比之前羅記嘅頭版(天龍24K+24bit)同後來嘅LPCD45版都好好多,羅記人聲清晰左唔少,樂器之間分離度高左定位準左.不過葉倩文嘅流金歲月同小鳳姐嘅風雨同路都聽到有某些砂石位同幾下炒豆聲,估計係原母帶受損而未能及時做修復之故.其他曲目未細聽.
陳慧嫻SACD boxset呢十隻碟係我心頭好(而唔系Vol.1果十隻,因為本人覺得後十隻嘅佢唱歌更加成熟了),時間關係只拆左第一隻你身邊永是我,聽落比原版好左大約30%,原版嘅錄音其實麻麻,因為記得慧嫻係某次電台訪問講過話佢係留學時期學業繁重,有唔少歌係寶記派隊crew去美國同佢錄,但錄音環境就比較差,甚至試過係車房錄,因為成日有飛機飛過所以錄音進度好慢.SACD版係靚聲唔少,其實對樂迷嚟講舊碟出SACD版個人認為絕對係好事.
最大驚喜出現係憶蓮隻UHQCD,其實之前無買過其他人嘅UHQCD,當見到憶蓮呢隻個售價,都有d猶豫(之前有幾隻第D歌手嘅HQCD聽起身同原版真係唔覺得有幾大分別).買左返屋企一聽,係可以達到O嘴程度,以為自己係咪upgrade左副耳機.呢隻碟我有第一版同SACD版,UHQCD相比之下所有樂器同人聲嘅結像非常清晰但又唔會太刺激,更加真實,而且好均衡,同時相比前兩版,reverb收左少少,聽起身乾淨好多,個人覺得仲靚聲過SACD版！
p.s前幾日買左慧嫻嘅Priscilla-ism演唱會3CD，D聲認真麻麻，開場第一首反叛，人聲有食帶現象，同時成個演唱會D reverb多到令人頭暈，甚至係後邊仲出現錄觀眾聲嘅mic聲同慧嫻隻mic聲切換錯亂嘅情況，令到聽嘅人投入感大打折扣。睇返個show做recording嘅全部都係業界資深人士，真係想問聲到底係製作失誤定係態度問題？！ 師兄會唔會分享埋LPCD版
同SACD層聽感{:1_347:} 都係嗰句：環球一向求求其其。好似林憶蓮陪著你走的黑膠，竟然唔記得刪走送DVD嗰句（應該只會出現喺CD)!不過隻UHQCD,真係好正，同隻西德頭版比較，無論樂器同人聲都好掂，呢$290係抵比嘅！ 睇完師兄post，真係要出去補貨{:6_176:} Johnson8hk 發表於 2016-8-7 09:40 static/image/common/back.gif
都係嗰句：環球一向求求其其。好似林憶蓮陪著你走的黑膠，竟然唔記得刪走送DVD嗰句（應該只會出現喺CD)!不 ...
接受不了，太貴。
(Post76 Android 手機版送出) 新版[你身邊永是我]中 {:6_132:} {:6_133:}[夜了點]開頭少了一秒音 Cheong448 發表於 2016-8-7 13:51 static/image/common/back.gif
新版[你身邊永是我]中[夜了點]開頭少了一秒音
真係！！！！可唔可以投訴環球？？？？？？ Johnson8hk 發表於 2016-8-7 09:40 static/image/common/back.gif
都係嗰句：環球一向求求其其。好似林憶蓮陪著你走的黑膠，竟然唔記得刪走送DVD嗰句（應該只會出現喺CD)!不 ...
最重點是唱翻唱歌的發燒碟，必須有好唱功，否則音樂唔多的情況下好易露底，林憶蓮這隻「陪著我走」完全表現了她高超的唱功，無論輕聲、重聲、高音等都演繹得非常流暢、而且還像能控制空氣感、當然要配合UHQCD才能聽得出。 Johnson8hk 發表於 2016-8-7 09:40 static/image/common/back.gif
都係嗰句：環球一向求求其其。好似林憶蓮陪著你走的黑膠，竟然唔記得刪走送DVD嗰句（應該只會出現喺CD)!不 ...
西德版？{:6_200:} really happy
頁:
[1]
2