阿定 發表於 2016-7-29 23:53

Pioneer 出品 - Designed for WiiU 揚聲器



今日路過旺角Game鋪，發覺有賣Pioneer幫任天堂WiiU出的小型揚聲器，由於想知道威力如何，老闆即場拆一部叫我自己開聲來試，當然要試左先算！



外型好似WiiU，白色的機身，一粒開關掣，一個大細聲，有夠簡約



反轉就係各個輸入位，有3.5mm Line in，有紅白Line in，插遊戲機同手機都得，仲有Subwoofer比你駁 (不過要另購)



蛋仔揚聲器 ，前後都有聲出，外型唔錯架！



世界牛，唔駛變壓器



話明比WiiU用，隨機有 Wii / WiiU 紅白黃線跟，用 WiiU 的朋友就唔駛另買



教埋你點駁WiiU，其實唔講都知點駁吧，當然，大家駁3DS都得架！

最後，好唔好聲？日本賣價九千幾Yen，即係到七舊幾水，問心就無七百幾的質素，但話晒Pioneer出品，同我平時買的四五百蚊Speaker比，一定贏到，當電腦Speaker用，或放書房床頭，一定無問題，要求唔高放廳都得，因為開到好大聲，都唔會拆聲

講咁耐，賣緊幾多錢？兩百幾而已，三舊水有找，仲夠錢你食埋M記

產品提供: 電気良品






keytai214 發表於 2016-8-3 21:12

2百幾 ... 真係 買牌子多D
頁: [1]
查看完整版本: Pioneer 出品 - Designed for WiiU 揚聲器

重要聲明：本討論區是以即時上載留言的方式運作，Post76玩樂討論區對所有留言的真實性、完整性及立場等，不負任何法律責任。而一切留言之言論只代表留言者個人意 見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 )， 同時亦有不刪除留言的權利，如有任何爭議，管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。權利。