Cayin i5之快閃前的快閃測試
對於國內嘅品牌,小弟對山靈同斯巴克呢兩個品牌一直有存有好感,因為係小弟仲係初哥果時,就係用山靈同斯巴克嘅CD PLAYER。近年轉左玩兩聲道亦一直有用佢地嘅膽機,雖然知道耳機界斯巴克都算係新手,但小弟每一部都想試聽捧場,N6亦曾經擁有,後來亦送左俾朋友,從此佢就好快樂咁生活啦(笑)
近日終於係我三催四請,半迫半就情況之下借到呢部i5,本來以為佢同N6差唔多,試落又發覺都幾唔同,借少少版位同大家分享下。
I5做工比N6好,特別要讚係佢個音量扭,唔會太鬆,唔似X1會係拎出黎果時撞到變聲。小弟依家手上面得返部ONKYO X1,同一套IPOD+HPP1炸彈組合。
第一日我拎左佢黎夾我隻ie800,一開聲果下只係覺得推力好大好大,動態非常好,分析力亦唔錯,背景寧靜,國產機黎計都算係奇葩,取向亦同N6好唔同,就咁聽落似乎無左品牌特色,因為N6係比較厚聲,人聲比較潤,i5呢隻聲對斯巴克黎講都幾突破,以斯巴克標準黎講會覺得聲底冷左,味無咁濃,另一個角度睇係平衡左。如果我無估錯,品牌應該想改變一下形象,吸引下年輕人。
聽多陣就忍唔住拎左舊炸彈組合出黎玩,發覺佢i5個取向同IPOD+HPP1非常接近,陰公,真係科技進步啦,以前頂級組合又重又貴,依家一半價錢左右就可以有相似效果。
之後正正經開始試機,我知道有好多版友都想拎佢黎同DPX1比較,真心講句好難比,因為某D配搭會係X1好D,換左第二D配搭又係i5好d,最初用ie800去聽i5,會覺得聲音比較集中係中頻,高低麻麻,感覺都幾一般,後來左隻入左冷宮嘅t5p去試 (因為呢隻t5p無幾多隻dap可以發揮到佢,x1推唔好佢)結果呢,效果又非常唔錯,用黎聽enya,sarah brightman,會發覺中高頻非常秀麗,高音伸延至最盡聽到叫左出黎。再一次證明百貨應百客,有時就算係度問D師兄都唔一定有答案,適逢post76呢幾日搞快閃活動,我自己就報左名參加啦,我強烈鼓勵版友都一齊參加快閃活動,到時我會拎埋DPX1同T5P落去,大家一齊玩下,吹下水啦。
試多排我會再寫一篇詳細聽感,到時再係度update分享感受
「推力好大好大」的話,咁推 SONY Z7 可能有火花都未定呢?{:6_142:} alleelarry 發表於 2016-7-20 16:22 static/image/common/back.gif
「推力好大好大」的話,咁推 SONY Z7 可能有火花都未定呢?
你可以拎埋黎玩下wor,其實我都好想試下Z7 odin1983 發表於 2016-7-20 16:25 static/image/common/back.gif
你可以拎埋黎玩下wor,其實我都好想試下Z7
Z7 傾向「味精」又或者係「音樂感」,就視乎中唔中你勒!{:6_142:} alleelarry 發表於 2016-7-20 18:07 static/image/common/back.gif
Z7 傾向「味精」又或者係「音樂感」,就視乎中唔中你勒!
唔知夾i5會推成點,尋日我拎堆我細路隻RHA去玩i5,D聲變得好刺激{:1_338:} odin1983 發表於 2016-7-20 19:29 static/image/common/back.gif
唔知夾i5會推成點,尋日我拎堆我細路隻RHA去玩i5,D聲變得好刺激
RHA 係咪出名 ROCK 個只呢? seems ok wor alleelarry 發表於 2016-7-20 19:39 static/image/common/back.gif
RHA 係咪出名 ROCK 個只呢?
係呀,所以咪好岩我細路,後生仔嘛。對我呢D老人家黎講,間唔中聽下幾過癮,但聽得耐都會有DD頭痛。 請問大概 i5 會夾那種聲底的earphone會較為適合呢?
頁:
[1]