迫力十足 - 真正港產片《寒戰2》定之簡評
本帖最後由 alleelarry 於 2016-7-9 11:39 編輯劇力無上集咁估你唔到，可能同今集主要解番上集的迷有關，照舊有好多香港綠葉出現，算係好難得的真正港產片，迫力十足，除左因為劇情有點推算到所以有少量場境好似有點拖長外，全程都好緊湊，亦因為有d劇情係刻意比你推算(錯誤)，後面的女人就自以為好醒係度開口扮專家(下一秒就柒)，整體都算滿意, 唔知係咪發哥同梁家輝都太好戲，搞到郭富城好似差左(成套戲計，絕對唔差)，特別係講英文的戲好格格不入，睇個勢會有第三集，非常期待
劇情 :7/10 比上集弱，相對易理解，師奶都應該睇得明
戲力: 9/10 全部都好好戲，迫力十足，發哥出場唔多，但場場都好正
音效: 9/10 爆破場面一流，飛車戲精彩，金培達出手無得輸
畫面: 8/10 無睇IMAX版，但明點解會上IMAX場次，全套戲畫面都拍得好靚仔
最終評分 8.5
零IMAX場面，IMAX版有的只是大畫面而已，一眾劇組日前都為左「大」而去宣傳 alleelarry 發表於 2016-7-9 11:38 static/image/common/back.gif
零IMAX場面，IMAX版有的只是大畫面而已，一眾劇組日前都為左「大」而去宣傳 ...
戲入面應該無特別為IMAX 而拍的場面，但有唔少鏡頭都好適合大銀幕下睇，自己就唔會比錢睇IMAX(雖然我成日睇IMAX)，畫面真係唔錯，不過套戲重點唔係畫面，係劇情推進同互相角力的氣氛，聲畫可以話只係錦上添花而已 阿定 發表於 2016-7-9 11:51 static/image/common/back.gif
戲入面應該無特別為IMAX 而拍的場面，但有唔少鏡頭都好適合大銀幕下睇，自己就唔會比錢睇IMAX(雖然我成日 ...
呢套大概等睇碟既機會比較大……{:6_141:} 今日岩岩睇左, 比想像中冇咁緊湊, 對咀果個位仲有小小安排一定有返呢個場口對應上集. 我個人會比 7/10分~~
頁:
[1]