《The Conjuring 2》嚇死人咩, 個心離一離呀~~~
先唔好理阿姐講嗰句說話, 咩戲都好, 大家感受都一定不同, 有人會好驚, 有人會覺得無特別, 但我就真係有離一離既感覺...
現時好多種類既戲都sell " BASE ON TRUE STORY" , 到底佢係真定假就無去深究, 但相信咁玩得應該都唔會假既,
如果有睇過上集既話到結局會compare返真實故事既相, 咁唔會係假架la, 所以睇都睇得投入d...
但往往就係投入左, 所以嚇親既指數亦變得大左, 好彩今集唔會完全由頭嚇到尾, 中間有小量愛同笑料變得效果更加好, 自問睇過唔多但都唔小驚嚇片黎講, 真係覺得特別得黎又過癮, 過癮得黎又好睇, 唔知日後會唔會再有新穎既驚嚇片可以超越佢呢?!?!?!
講返套戲, 故事係1977年英國作背景, 開始時話係兩公婆mark低個事件經過最詳盡之一, 搞到成個氣氛升溫不小.
今次邪靈玩法比較特別, 一向以來都唔會响無關痛癢既人面前show quali, 但今次真係玩得好大, 另一方面咁做又變得幾好笑, 好野.
其實今次除左非一般玩法之外, 亦反映出另一個社會現象, 或者叫騙案, 就係"假扮".
不過亦引生出再另一樣人物, 就係所謂既"學者"
佢地既出現, 同各人睇戲都係一樣, 尤其是呢類電影, 無人會每一面都睇得清楚甚至接受/認同到, 所以出現左有人信, 有人唔信, 有人用科學解釋, 有人用心理學解釋等等, 一切一切都不停咁循環, 令社會變得更怪更糟.
最後講講自己感受, 以我接受溫生套兒凶黎講, 睇完後已經對佢拍呢類驚嚇片覺得真係好正, 所以兒凶第2集時最印象深刻係嗰種刺耳得黎又心寒既感覺, 再配埋佢另類既嚇鬼故事, 雖然話晒係真人真事改編, 即係話有個流程可以跟住去做, 但純聽故事同拍出影像係兩回事, 我個人敢講佢做到晒, 所以當兒凶3無佢份時就已經知道會出事, 果然真係準到無朋友, 普通到再唔普通, 驚嚇一定有, 但評價反而係"差到爆" , 正宗 "掛羊頭賣狗肉"...
我一向都唔接受電影拍續集, 但如果佢肯繼續拍落去, 而又可以將呢種驚嚇程度同講故事方法不停咁進步落去既話, 今次我會好支持, 亦期待可以再入場支持.
鬼片最好睇係驚，拍到個氣氛最緊要，一味靠爛面個d已唔怕了 bigair 發表於 2016-7-10 21:31 static/image/common/back.gif
鬼片最好睇係驚，拍到個氣氛最緊要，一味靠爛面個d已唔怕了
所以應該叫做驚嚇片好D....
鬼呢樣野... 有時無鬼出現仲驚過有
頁:
[1]