新手入坑 AK300+AK380 AMP開箱+評測(多圖) 已經準備退坑...
本帖最後由 davidnms2385 於 2016-6-10 00:35 編輯大家好小弟一次係呢到發文希望唔好插甘大力{:1_254:}
我幾個月前都係用手機聽MP3,用既機耳機都係手機送...
我之前係覺得買隻一萬幾千蚊既耳機係好痴線
買隻甘貴既耳機都不特止重要加部AMP,DAC...用幾條橡筋梱住成個土制炸彈甘,拎出街會唔會比人拉{:1_331:}
甘點解無啦啦會跌入呢一個坑,係唔係身邊一D人比野你試搞到上哂上癮?
緊係唔係啦...實情係又一日屎忽痕想買隻平平地既耳機試一試係唔係真係同手機送既耳機有分別啦
第一隻買既耳機係Shure SE215...又覺得真幾好聲,心思思想試下其他野
唔試又止可,一試就出事...,依幾個月買左好多野...洗左好多錢...中入好多次伏...
最近見到AK出左部新機幾型仔又唔算太貴,試都唔洗試直接仆去買,順手買多部AK380AMP...廢話就講到呢到開箱先
左邊AK300,右邊AK380AMP
先開AK300,同AK系既產品一樣都有一個紙套...
拆開個紙套同外盒,見到部機好鬼靚仔{:1_254:}
拎部機出黎先,發現重有個盒究竟係咩黎
拆開個細盒,華好鬼多野...
又左至右 兩本無人會睇既書仔,一條屋企有一百幾十條既mciro USB(充電用),一個非常靚仔既意大利出品既機套(藍色),2組保護貼一面一背(我已經貼左一組)
機套係皮既質感,手感好滑,隻藍色似唔似ak240 blue note個機套{:1_262:}
左面有三個實體按鈕既圖示,不過唔係好凸出黎,對瞎按無咩幫助
機套後面有開洞,方面反用家操作唔會頂住個音量按鈕
講完D配件就講返部機,拎部機出黎開著佢先,都機大部下,單手操作有少少難
有幾大部呢?用部iphone 6 plus比一比先
機身下面有一粒點,呢粒點係按壓式既主頁鍵
屎忽位又一個USB(充電過資料用,究竟可唔可以用呢個USB接其他AMP,小弟就唔清楚啦),4點金屬位(呢個用黎連接AK既產品既如AK380 AMP)
機身左面一個按鈕,上一首,暫停,下一首,有呢三個按鈕操作好方面
機背有暗花手機影唔到{:1_247:} ,右上角有個洞用黎連接AK其他產品可以鎖緊兩部機既
機身右面有一個SD卡位(換卡要小心,個SD卡位彈力好勁有機會飛左張卡出黎),個音量按鈕同AK100,200系列,AK380唔同,操作上手感幾好
部AK300開完箱,到AK380 AMP開箱啦
包裝同AK300一樣
無咩配件得兩本書仔,無機套跟既
部AMP都無咩特別野好講,直接合體啦
合體成功,好似鋼鐵俠著左件盔甲甘戰鬥力提升幾倍{:1_262:}
機頂
右面
左面
屎忽位,耳機要插呢到
合體完都未得既,要係部機開個AMP個功能
開始左之後機身右面會發光勁有型
係部機入面都有AMP既設定
AK300同AK380AMP 開箱到此為止啦
簡單講一講音質如何啦
我自己目前用緊Campfire Audio Jupite同A&K x JH Audio Angie II用2.5線插AK300
AK300唔用AMP,比我既感覺,人聲較前,節奏比較慢,音場無甘寬,人聲無甘數碼化,聲音中性,分釋力高,無論用Angie II或Jupite都聽得幾舒服既,推力幾好,AK300聽人聲幾好
對比AK另一部入門機AK100 II岩岩相反,AK100II人聲較後,節奏比較快,低音勁,音場差唔多,人聲數碼化,聲音扁冷,音樂感好D,分釋力對比AK300差好遠{:1_262:},用Jupite聽都幾合,但用Angie II就好似無咩力水,不過A100 II細部D帶出街方便D
AK300功能擴充性好D,價錢兩部機差千幾蚊,邊部低買自己去試一試
AK300同AK100 II加AMP邊部好D呢!
當然AK100 II係無AK專用AMP,所以用SounDroid VANTAM RedShoulder來比較
好奇怪AK100 II加SounDroid VANTAM RedShoulder 我覺得唔加好過加
AK100 II加SounDroid VANTAM RedShoulder(用光纖過機)
推Angie II,力水勁,聲好差
人聲好鬼硬,音場係寬左好多,人聲同樂品分唔開,人聲好後,節奏慢,低音係有但係好似差甘少少....
但係用Jupite無咩事...力水夠大,聲有少少提升
AK100 II 加VANTAM用左一兩個星期就放棄直推算
AK300加VANTAM表現點呢!
未試之前心念應該同AK100 II一樣唔加好過加
用條光纖線插落部AK300試一試
試完華左一聲
同AK100 II加VANTAM差甘多既
推Angie II 今次就靚聲啦{:1_262:}
人聲柔順返 音場寬 定位正常返 好力水 清聲 低音有力 不過人聲就比較後
聽Live好正,個現場感正到不得了
可能AK300 用AKM AK4490 日本仔既晶片,同一樣係日本仔既VANTAM同聲同氣D
最後到AK300加AK380 AMP
聽感方面,用Angie II人聲更前,甜,聲低厚,暖聲,節奏慢,有感情,尾音無VANTAM甘長,都無咩操音(高增益)
用Jupite 節奏輕快D,聲音中性,高音好D,低音比Angie II無甘多,聽年輕既女聲都幾毒下
兩部既厚度差幾多
加上AK300係多邊形,都唔知點用橡筋固定{:1_331:}
我覺得AK300加AK380 AMP,係聲,發熱(AK300加AK380 AMP都係熱,不過無VANTAM 無甘熱),大小方面係贏SounDroid VANTAM RedShoulder
AK100II 就唔洗加VANTAM都好好聲{:1_262:}
目前AK300加AK380 AMP我好滿意,準備退坑啦
重有唔記得講 買AK產品耍留個包裝貼紙
好似保養同呢張貼紙有關 ching 請問隻 angieii 係咪bass好勁嫁 ming 發表於 2016-6-10 01:33 static/image/common/back.gif
ching 請問隻 angieii 係咪bass好勁嫁
angieii人聲前,暖,動態高,分析力幾好,低音下潛好深,節奏扁慢有感情
佢既低音調節器高低會影響聲低厚薄,好厚身D調高D,想清聲D就唔好調甘大
以上係我個人聽感 好奇一問VANTAM有冇換OPAMP? ericcklau 發表於 2016-6-10 09:25 static/image/common/back.gif
好奇一問VANTAM有冇換OPAMP?
SounDroid VANTAM系列都有得換OPAMP davidnms2385 發表於 2016-6-10 11:32 static/image/common/back.gif
SounDroid VANTAM系列都有得換OPAMP
是啊! 就是想問師兄有冇換. 本帖最後由 jbengof 於 2016-6-10 15:11 編輯
*AK300加VANTAM表現點呢!
未試之前心念應該同AK100 II一樣唔加好過加
用條光纖線插落部AK300試一試
試完華左一聲
同AK100 II加VANTAM差甘多既*
師兄 你用光纖線過Vantam AK100 II AK300同樣系做數字轉盤 二者都系Vantam做DAC和放大 這和CS4398(AK100 II) AKM AK4490(AK300)無關 可以講聽到嘅同系Vantam質素 但分別咁大?
歡迎入坑 davidnms2385 發表於 2016-6-10 00:44 static/image/common/back.gif
重有唔記得講 買AK產品耍留個包裝貼紙
好似保養同呢張貼紙有關
有單登記了的話就不需要
頁:
[1]
2