非常普通 NYSM2《非常盜2》（零劇透）
本帖最後由 alleelarry 於 2016-6-9 18:48 編輯前言
《非常盜》，即係上一集，真係要睇到尾先會了解成個故事，到出藍光既時候，美版係有個多10分鐘既加長版，本來打算係入場睇續篇既時候睇，可是最終還是找不到，只好憑著之前在戲院睇既回憶入場；還好與上一集沒有太多「緊扣」的關連，基本上獨立睇問題都不太大！
觀後感
今集與前作，風格上有好大既分別，前者解釋「魔術」係點到即指，但今集花了唔少既篇幅去解釋，「魔術」可以是「科學」，亦可以是「掩眼法」。故事發展類似名探偵柯南既「解謎篇」，唔睇就心思思，睇左就會哦……，原來係咁。前作最大賣點係「魔術」場面，今次明顯無之前既咁嘩然，故事發展方向無太大用腦位，結局係點好容易會估到，再者故事已經盡用上一集遺下既「疑問」，再拍下一集既機會總覺唔太大，片名或許定名為 Now You See Me Thoroughly 比較貼切。
∇ 新加入既女騎士成員，喋喋不休既角色，由唔算得係靚女既麗茲卡潘出演，故事明顯欠缺了與另一騎士成為男女關係既交代，難度是留待日後推出藍光加長版之用！？
∇ 周董係今集最大既任務並唔係出演「天眼」成員一角，反而係以中文為主唱既主題曲（是荷里活的首次），據了解官方 YouTube MV 已經累計超過50萬次點擊率：
LbUKhXO2oCs
∇ 另一新加入的「哈利波特」丹尼爾域基夫，基於角色設定，可以發揮既就唔多，個人來說他只不過是第一大配角。見慣了既「清靚白淨」形象既佢，滿臉鬍鬚既造型個人看得格格不入。
中心思想
凡事不要相信表面所看到的，或許內有文章，只是你沒有察覺而已；只要多加留意，「破綻」還是可以找出來。
後話
本來打貪平睇早場，屯門UA係假期既《非常盜2》首場反而係收正價，退而求其次既12:10場次又收番早場價，超有趣！不過仲好啦，中午場可以遲D起身，食埋早餐又可以睇多陣美國盃先入場，正！
我睇前一晚專登睇多次第一集extended version, 再睇返仍然覺得第一集既3場表演都好精彩, 尤其是第一場偷銀行, 個心仲識"嘩"!! {:9_426:} magic既嘢天馬行空, 其實唔使話我知點做出嚟, 我睇magic唔係為咗知道secret.
但今集真係為咗講故仔就講故仔, 根本都唔可以話係magic片, 而係變咗ocean 11加成龍打片既續集, 睇now you see me係為咗我估你唔到, 唔係下下一早估到晒完囉.....{:9_440:}
希望出碟有返多啲嘢既extended version, 今次第二集都好甩皮甩骨....{:8_384:}
第一集: 9.5分(扣0.5分只係因為條女唔夠正)
第二集: 3.7分
完!! {:6_188:} ykluk 發表於 2016-6-10 16:29 static/image/common/back.gif
我睇前一晚專登睇多次第一集extended version, 再睇返仍然覺得第一集既3場表演都好精彩, 尤其是第一場偷銀 ...
今集囡囡仲衰過上集，仲要係喋喋不休個只，就煩上加煩{:6_142:} 如果我睇戲時睇到想瞓話, 相信套戲都唔多掂, 呢樣野出現左响呢套戲入面.
睇完回想就會覺得哈你老實主角真係走唔出個框框, 唔係話佢唔識做戲或太浮誇, 反而係佢唔可以將個角色帶出黎, 例如佢想做賊, 但佢帶出黎個感覺反而係... 下, 原來佢做緊賊...
另一方面就係故事上我覺得無咩好再拍, 續集反而令到佢變得普通再普通不過.
片尾我見到飛哥個名, 想問問上集有無佢份做顧問之類呢?!?
Hon 發表於 2016-6-10 20:52 static/image/common/back.gif
如果我睇戲時睇到想瞓話, 相信套戲都唔多掂, 呢樣野出現左响呢套戲入面.
睇完回想就會覺得哈你老實主角真 ...
還好是平平地去睇，至於飛哥就唔清楚，只藍光究竟去左邊！？{:6_141:} alleelarry 發表於 2016-6-10 22:18 static/image/common/back.gif
還好是平平地去睇，至於飛哥就唔清楚，只藍光究竟去左邊！？
我已經忘記左上集既大部份內容, 只係記得... 魔術
就正如刀鋸美人
鋸第1次, 嘩.... 好勁呀
鋸第2次, 呀....
鋸第3次, 唉....
聞說有第3集, 真係... Hon 發表於 2016-6-10 23:47 static/image/common/back.gif
我已經忘記左上集既大部份內容, 只係記得... 魔術
就正如刀鋸美人
真的要拍第三集，就只可以係全新故事，又可能似FF咁，拍到第七集已經嚴重偏離，可以係好亦可以好破壞{:6_141:} alleelarry 發表於 2016-6-11 00:08 static/image/common/back.gif
真的要拍第三集，就只可以係全新故事，又可能似FF咁，拍到第七集已經嚴重偏離，可以係好亦可以好破壞{:6_ ...
咁真係要睇佢地個劇本點搞LA....
頁:
[1]