幾年後又嚟膽粗粗，今次輪到十仔！
本帖最後由 hohodog900 於 2016-5-20 11:36 編輯話説Q姐上完我度調戲我屋企隻十仔之後，雖然低頻同各方面都提昇咗唔少，但喺正如Q姐話齋，MK 1250始终喺MK嘅入門級，喺大音量，大動態之下喺會力有不逮，加上年紀唔細(已用7至8年)，大音量之下有啲糊同小小拍邊，點搞都喺同我心目中差咁小小，呢個唔關Q姐事，Q姐已經好利害了！
於是着手物色十仔，先睇二手，MK250，350果啲最平都皮皮聲，新嘢就更加唔使問，貴到死，Q姐介绍嘅KK仲貴，喺依家經濟低迷，加上我仲想換Atmos Amp，到時Amp加喇叭又要使一筆，最後都喺放低咗，睇定啲先！
好衰唔衰有一日喺呢度睇到某師兄條link話啲大陸嘢百鳥歸巢，左抄右抄，咁我就手痕撳入去睇下……咦睇落都唔錯喎，背脊仲有咁多嘢校，仲多過秦朝，於是四圍昅下，揾下資料，啲評論都唔差，讚多彈少，於是就入去佢淘寶個官網度睇下，咦，15吋又唔貴喎，同老秦差唔多，但橫睇惦睇都靚過老秦喎(當然我講緊佢嘅另一身份……雷鳴)，既然似成咁 ，一於胆粗粗去馬試一試，最多唔得咪加埋隻MK玩雙十囉，最緊要價錢吸引，啱晒我呢個cheap精！
但一問個尺寸，shit！由於我個櫃喺造比MK用，只喺預留向上空間嚟升級MK250 or 350用，所以呢隻15吋放唔落，點算好，唔通又要放低？好彩店主有個好建議，話將15吋高功率版嘅控制電路板放落12吋度變成12吋高功率版，佢仲保證有15吋9成嘅效果，聽落又幾吸引同有啲道理，加上12吋又平1K，但加番幾舊升級高功率，最後仲平過隻15吋幾舊水，一於去馬，最後見買平咗幾舊又身痕加番錢買鋼琴黑版，貪佢靚仔啲！
前前後後等咗兩星期，終於到貨，你呀爺吖，使唔使咁重呀？紙箱上話43KG，唔計零頭都40KG，拆箱、擺位，搞完死咁濟，隻MK都唔知有冇一半佢咁重！
第一日求其調完用隻功夫熊貓試下，先聲奪人，已經可以叫隻MK退役了！
第二日再認真小小，用加洲大地震學Q姐咁慢慢調下phase(佢叫delay)，再跟網上啲資料調下下面果4粒制，調完，嘩！我以為香港真喺大地震！
第三日，美版Lone Survivor 試槍聲，胡亂咁調下Gain，Bandwidth，同Freq，頂你吖，真喺唔喺講笑，第一次比啲槍聲射郁啲頭髮，隻嘢要速度有速度，要下潛有下潛，越推越有，到呢度我覺得已經夠玩，應該唔使玩雙十嘞！
仲喺Run in中同未喺好識調就已經收晒貨，就喺我想要嘅嘢，今次冇買錯，有排玩，仲要慢慢學！
又真係幾多掣較喎
(Post76 Android 手機版送出) 反轉好聲 D 嗎？ 本帖最後由 hohodog900 於 2016-5-18 23:20 編輯
gikifk 發表於 2016-5-18 23:14 static/image/common/back.gif
反轉好聲 D 嗎？
Q姐教落，死人都要Backfire！隻嘢太重，放好咗唔想再郁，仲有方便調校，所以冇比較過向前同向後分别，總之依家好興奮！ 隻超音靚仔喎！{:6_193:} 原來反轉放都得{:6_191:}
(Post76 Android 手機版送出) 背向無甘靚仔，但就方便調控{:6_181:} 但佢背向之後,d低頻係入面米彈來彈去影響d器材?
(Post76 Android 手機版送出) Szelong 發表於 2016-5-18 23:48 static/image/common/back.gif
但佢背向之後,d低頻係入面米彈來彈去影響d器材?
(Post76 Android 手機版送出)
Q姐教落，調校得好喺唔會嘅 夠曬fit，仲好靚仔喎！{:6_196:}