帶住矛盾去「機場」睇《美國隊長3：英雄內戰》（零劇透）
本帖最後由 alleelarry 於 2016-5-1 13:45 編輯《美國隊長3：英雄內戰》作為 Marvel Cinematic Universe: Phase Three 既首篇，一係唔打，一打就差唔多將成個 復仇者聯盟集結，少左雷神同浩克唔緊要，搵埋之前好勇悍既冬日戰士，再加多個黑豹，同埋比面就叫聲「大師兄」既蜘蛛俠，湊數起來絕對勁過之前「復仇者聯盟」篇幅既級數……寫這一篇時才察覺美國方面，還未正式上映，美粉們還是要等到5月6日才可以入埸睇！
矛盾一：
個人並無追看英雄原著漫畫，對於電影有無「忠於原著」方面，從不在乎，或許只少睇日本漫畫同卡通太多，對於「後來」製作的版本，有大幅度修訂又如何，喜歡既就會睇，反正唔修訂就有人話無新意，修訂左又話唔忠於原著，想點呢？好與壞，從來就沒有絕對的答案，或許這就是恆久以來的一個「矛盾」！
矛盾二：
電影拍攝時，首次使用了最新的 IMAX/Arri 2D Camera，拍攝大概15分鐘長度的「激鬥」場面，無去 IMAX 睇既朋友會問，即係邊一個場口呢？答案當然會係最多英雄走埋一齊個場既「機場大混戰」！睇落去 IMAX 睇咪得囉，再 check 下 IMDB既資料時，問題就黎勒，呢套原生有「全景聲」，但 IMAX 只有 12-Track Digital Sound (IMAX 12 track)，點揀先好呢？「大場面」定「全景聲」，好苦惱啊！
矛盾三：
向來自己都係傾向去睇 IMAX 多D既，叫得做 IMAX 影院既，個幕都唔會細得去邊，香港一共有四間 IMAX 影院，最舊既某程度唔夠標準，最新既又相對細左D，得番兩個選擇，尖沙咀既早場正價，基本會員或者一般信用卡優惠，一張飛要成HKD189，兩個人加埋手續費就已經係HKD394，相反同樣網上預訂去機場睇就只要HKD256。
矛盾四：
咁大堆頭既電影，咁橋有生日月既六折小食優惠劵，究竟買唔買野食入場邊睇邊食，還是專注睇電影好呢？太太同自己都堅有一D掙扎既……「矛盾」
矛盾五：
去開 IMAX 睇戲既，會知道通常票尾都可以用黎玩遊戲，好明顯會圍繞「撐邊隊」做主題！？但竟然加入左一個條款，除左要寫個好理由之外，揀中邊隊多人撐既機會又會大D，偏偏今次個人會「撐」既又係比較弱個邊，要「堅持」還是「機會」……
Conclussion：地理先決、場境先決、巨幕先決
就用以下兩張相，作為對是次「矛盾」的「表態」，唔係「機場」到睇「機場英雄大混戰」，又可以去邊呢？
後話一：
把「大師兄」化身成為「小師弟」，究竟是好定是壞，記得睇埋第二個「彩蛋」，睇下搵唔搵到答案啦！
後話二：
片中提及，你又知唔知「雷神」去左邊？好想話佢知，我未入場既時候，已經知道佢「本人」去左邊，答案就係呢到！咪就係走左去做「兼職」，今次唔做「車手」，又唔做「獵人」，而係做「捉鬼」！
我完全唔知原來有IMAX攝錄 {:6_123:}
jc2ssych 發表於 2016-5-1 16:18 static/image/common/back.gif
我完全唔知原來有IMAX攝錄
如果你喜歡機場大混戰的話，比多少少睇 IMAX 絕對係「超值」……
入場前我提定太太留意幾時有 IMAX 畫面，到睇完既時候問番我，邊到有大畫面，咪就係機場個段，你唔覺個場特別好既咩……{:6_175:} alleelarry 發表於 2016-5-1 17:54 static/image/common/back.gif
如果你喜歡機場大混戰的話，比多少少睇 IMAX 絕對係「超值」……
入場前我提定太太留意幾時有 IMAX 畫面 ...
上個月在mega box IMAX 睇完 BvsMOS, 我有再去機場 IMAX 睇多次。
（因為咁啱當晚夜機）。但今次又未好有意慾要睇多次。
可能上次真係心有不甘，想睇多次確認自己嘅感覺。
可能今次在 metroplex 已經爽咗，冇意欲再睇。 jc2ssych 發表於 2016-5-1 23:34 static/image/common/back.gif
上個月在mega box IMAX 睇完 BvsMOS, 我有再去機場 IMAX 睇多次。
（因為咁啱當晚夜機）。但今次又未好 ...
呢套有牌上，去開咪睇多轉{:6_174:} alleelarry 發表於 2016-5-2 21:08 static/image/common/back.gif
呢套有牌上，去開咪睇多轉
今次嘅策略係睇一次算數。
spare返兩舊水budget 入碟睇 the making of! jc2ssych 發表於 2016-5-2 21:17 static/image/common/back.gif
今次嘅策略係睇一次算數。
spare返兩舊水budget 入碟睇 the making of!
出碟大概沒有 IMAX 場境的份兒呢{:6_141:} alleelarry 發表於 2016-5-3 07:32 static/image/common/back.gif
出碟大概沒有 IMAX 場境的份兒呢
你亦刺中痕處...{:6_123:} 本帖最後由 alleelarry 於 2016-5-3 12:21 編輯
jc2ssych 發表於 2016-5-3 08:52 static/image/common/back.gif
你亦刺中痕處...
所以有時等多兩三日先睇就係咁原因{:6_142:}
剛搶到 CIVIL WAR 的 IMAX 3D 眼鏡{:6_175:}
alleelarry 發表於 2016-5-3 09:42 static/image/common/back.gif
所以有時等多兩三日先睇就係咁原因
剛搶到 CIVIL WAR 的 IMAX 3D 眼鏡
我兩次都搶唔到呀！
(Post76 Android 手機版送出)