【76 玩樂樂壇推介】鄭欣宜新歌《女神》
【76 玩樂樂壇推介】鄭欣宜新歌《女神》ＭＶ 感動人心 人人也可以係女神鄭欣宜 繼去年與黃偉文 (Wyman)合作《你瘦夠了嗎？》之後近期兩人再度聯手加埋藍奕邦作曲一同打造新歌《女神》。依首ＭＶ感動人心甚至睇到喊，尤其係唱到「不要低頭，光環會掉下來」這兩句，更叫人熱血得即爆正能量。Joyce憑歌寄意，籍《女神》帶出女性的外觀及樣貌無論美醜，都可以好有自信地成為女神；而Joyce今次更作破天荒嘗試，就係首度參與ＭＶ導演工作，由構思選角甚至道具都親力親為。
《女神》ＭＶ除了女主角Joyce之外，亦邀請十名不同年齡及外形的女性參演，當中有四名身材高䠷的靚女模特兒、兩位長者及一位聾啞人士，另外Joyce又親邀三名好朋友拍攝，她在mv中為這班女性帶上親手製造的皇冠，寓意她們每一個都可以成為選美冠軍，然後又跟她們抱抱、輕吻臉頰，雖然全個mv黑白畫面，但同樣溫馨洋溢。
Joyce對於《女神》睇法：「其實我係好想表達無論係咪合符呢個社會對美麗標準嘅設定，我哋每個人都係靚嘅，要自己知道同相信先可以有呢份自信散發出嚟。有好多人視聾啞人士或者肥係缺憾，但其實唔應該因為咁而去減少自己嘅光芒，人哋點睇你唔重要，最緊要自己點睇自己，所以佢哋全部都係好靚、好完美嘅女神。」
《女神》歌曲資料
作曲：藍奕邦
填詞：黃偉文
編曲：何山/孔奕佳
監制：何山/藍奕邦
主唱：鄭欣宜
EbJhct_HTu8 好強的既視感
看了兩秒便想起這歌, 也是講大愛的啊
4AtQGD8r4YM
頁:
[1]