《美國隊長3》簡約主義，續集片 ＋ 類型片的典範！
本帖最後由 jc2ssych 於 2016-4-28 09:23 編輯以下報告，已盡量減少劇透，敬請慎入！
不計《十年》，2016 年最具爭議性的電影算是《Batman VS Man of Steel》。
其爭議性在於：到底英雄漫畫改編的電影，該如何招呼對漫畫不認識的觀眾？
已三十多天，兩路人馬嘈交洗版，到今天都未有人講得服對方!
Anyway, 我從未揭過一頁 DC / Marvel 漫畫，但對兩部電影都相當滿意。
Apparently，對我來說，BvsMOS 係令人心領神會嘅電影，玩了很多風格，比較個人口味。
而且它遊走在續集與非續集之間，呢個踩鋼線的設定是引起爭議的最大因由。
講返正題，CA3 名副其實係續集片，而且係 12 個英雄一炮過出晒。如果之前未睇足咁多部 Marvel（甚至乎未睇過），會有點可惜，睇得唔夠過癮。但150分鐘拳來腳往，卻是另一種官能上的享受！
Marvel 電影不似 DC，文戲和任何佈局是不堆砌的，三句對白，兩個鏡頭已經交待了原因。對白的撰寫，演技表情內心戲，通通不要求! 沒要求是不是等於質素低？非也。因為整個 storyboard 裡面都冇乜鬥智嘅元素，而係百份百鬥力。如果將所有裝甲、武器卸下，Marvel studio productions 可還原為一系列陳木勝式的警匪片；武打、爆破、很 Macho 的手足情、成龍的滑稽動作，跟 Robert Downey 的古惑同出一徹。警匪片港人愛看嗎？愛到不得了。所以世界票房唔敢講，Marvel studio 的類型公式，在香港觀眾受落是肯定的！
再者 CA3 抵讚的地方，在於對 13 個 characters （6打6，加 villain）都有公平的描寫。如何舖排分隊本來是極大的煩惱，但早有漫畫代勞，導演可專心把各場戰鬥拍好，而 DC 著筆很多 character 的成長（e.g. Batman 和 MOS 遇著不同的歴鍊會長大，但 Marvel的 IM / CA 表面隨著經歴改變，但其實行動十年如一）。這就是 DC 與 Marvel 的取向分別。
總結，何時追車，何時爆炸，何時講數，何時動手打起來，一切都計得超級準確！
最後，如果黃百鳴導演話：「葉問先係最佳電影，因為丹爺由頭打到尾。」
我誠意向佢介紹CA3，佢應該都會超鍾意！{:6_176:} 我冇睇開漫畫，不過都見有D位真係做返一樣畫面。
(Post76 Android 手機版送出) 等你既報告！{:6_142:} 今日都睇左3D版本。效果做得唔錯！劇情描述對我呢個完全沒有睇過漫畫既人黎講係收貨的！ 支持{:1_254:}
LEON 你哩篇感想都寫得幾唔錯喎 {:9_421:}
搞到我哩個未入場睇嘅 Marvel 新手，充滿期待 {:1_253:} {:1_253:} 暫時都係正面既影評！ {:1_351:} 睇完: 90分
期待下一部,蜘蛛侠, 有ironman份
依家睇返呢個REVIEW, 堅正喎, 可以講係專業的REVIEW呢~~~尤其最尾一句, 會心微笑呀!!!{:6_128:} player 發表於 2016-4-27 20:12 static/image/common/back.gif
支持
LEON 你哩篇感想都寫得幾唔錯喎
咁你可能要睇返哂之前果D會好D喎~~~{:6_139:}