《老笠》 老笠之意不在錢
醉翁之意不在酒, 老笠之意不在錢講老實, 最近睇多左港產片, 如《選老頂》, 《樹大招風》同呢套, 雖然前兩套我都唔覺得特別好睇, 但起碼感受到一班人的認真.
有咩係唔認真? 有, 《臥虎藏龍2》, 呢套真係唔知點話佢好, 爛到七彩.
《選老頂》表面上講黑社會, 實際上...大家自己意會啦, 《樹大招風》根據三位導演的說話, 係借三位大賊的形象去講貪嗔痴, 但睇真D, 配合埋個97前背景, 不難聯想到九七前各種港人的心態.
今次《老笠》, 搵了一班綠葉演員大玩CULT戲格局, 幾乎整套戲都係係一間便利店內發生, 一見到間野時, 我都好奇地諗了一諗, 呢度邊度, 香港有咁的店鋪咩? 好彩戲係最後, 解釋左畀我聽, 呢個唔係重點{:8_386:}
從一開始見到男主角曾國祥後, 就接著係一連串的金句SHOW, 中後期都有加插性感女郎落力演出, 娛樂性十足.
話說電影一開頭帶出了一段李小龍的金句, 關於水的, 後來係結局時, 亦巧妙地用行為上去表達了主角對呢句的理解.
電影如導演的名字一樣, 相當有火, 當然自己未算好BUY, 但都畀7分, 支持呢個咁有心的故事.
總括黎講, 呢套片係用一個個絕望的故事, 去帶出新希望的, 我認為個D郁唔郁就想死的人, 真係要去理解下. 聽朝去睇下先得
(Post76 Android 手機版送出) 我都好期待, 睇下有無時間去睇
支持港產電影 值得一看!
頁:
[1]