安室奈美惠 LIVEGENIC 香港站 完滿結束
本帖最後由 阿定 於 2016-3-29 15:19 編輯話說 Post76 都唔少 安室奈美惠 Fans，今次 「namie amuro LIVEGENIC 2015-2016」的 Blu-Ray 碟早於3月頭已經發售，我地BD區已經成為大熱討論 按我，不過大家都忍住手唔開來睇，就係要等剛剛過去的星期六香港站演唱會睇現場表演！
當日現場有唔少來自日本的FANS，出發去博覽館時，基本上一上機鐵已經好似去左日本咁，有一半人都講日文，真係唔講得少，當然亦唔少得我地香港的應援團努力舉牌，特別係Block B, Block 14 同 Block 4 前排的 FANS，真係跳足全場，會場內絕大部份的FANS都好好，不過香港人真係要好好反省，日本Show一向唔比影相拍片，但全場真係不停見到有人舉手機影相拍片，雖然叫做文化唔同(香港人好鐘意影相)但每隔一陣就有工作人員用電筒提醒佢地唔好拍，部份人都唔聽照影，其實真係好唔要得，而且果場咁暗，影來做咩？又唔係無碟你買！
講番個Show，全場都好正，我未睇BD，唔知歌曲係咪完全一樣，但舞台就應該係完全一樣啦，一來事先講明舞台照搬過來香港，二來你真係睇得出個台好華麗好有心機，以安室唔太講野來講，其實都叫做講左好多野，雖然佢講左兩句廣東話都唔係太多人聽到，不過佢有親自舉牌寫住多謝香港朋友都真係開心死FANS，開場的兩個閃燈巨人同埋接近尾聲的特大氣球都成功營造High爆的氣氛，不過小弟搶唔到心心氣球就有點可惜囉！
最後，有去又好，無去都好，如果想買Goods而未買的朋友，可以係4月2號前去以下網站補購，安室 x 杯緣子 應該算係最大熱的了！
安室奈美恵namie amuro LIVE GENIC 2015-2016 IN HONG KONG周邊訂購專頁
#相片由大會提供
頁:
[1]