《傲慢與屍變》游走經典與狂想，是玩類型的高手!
本帖最後由 jc2ssych 於 2016-3-18 13:14 編輯先旨聲明：我鍾意睇鬼片，但好鬼怕睇喪屍片！{:6_124:}
容我長氣先愐懷一吓。由八十年代讀小學開始，跟爸爸上戲院、周日租錄影帶，到九十年代免費台開始有「周日一點三劇場」，廿幾年來睇過無數咁多鬼片。「鬼片」是一個類型，主要數傳統的疆屍片（內裡又分中國民初的、和西洋古堡的）和厲鬼上身（日韓、泰國最興！）。到近年鬼片類型玩 fusion，疆屍厲鬼進化為喪屍，又混合了喜劇和愛情。但當中玩得高手嘅，又有幾何？
鬼片，說穿了也是講人的故事。還記得十幾年前，一個大男孩去戲院睇韓片《姊魅情深》喊到豬頭咁。去年睇 JUNO《疆屍》亦被鮑姐漢叔搞到眼濕濕。但偏偏唔明喪屍片搞乜鬼？友人講得好，「一班 seven_head，走來走去唔知為乜？打打殺殺咁就個半鐘。北野武《大屠殺》還來得明目張膽，正正經經！」
《Bio Harzard》系列，就算有 Milo Jokovich 都要罷睇。《Maze Runners》睇完第二集，想死！《傲慢與屍變》聰明在將經典文學「下放」為動作電影之餘，談情說愛和社會階級的論述舖排亦說得有紋有路。
全片與喪屍開片的編幅其實唔算多；化妝、特技亦明顯非導演強項；動作沒有葉問連環拳、沒有 Musketeers 的神劍法、沒有奇連伊士活的神槍手。焦點，還是瞄準對經典文學的玩味。小弟有幸遇上良師，略懂西洋文學。對白設計，聽得津津有味。編劇將一個「polite society」變做「to survive the world we know」；所有角色盡數反轉，古肅老父變作風趣爸爸：「My daughters are trained for battles, not the kitchen.」令人會心微笑。Mr. Darcy 變成上陣殺敵的人中呂布，拍爛手掌。
值得一題，戲中的喪屍，並非為食而生存（living dead 又好似唔係生存，都唔知點譯...{:6_136:} ），而是被設定為「manageable」、「negotiable」的理性一群，有首領可以講數，為互相殺戮提供另一個可能性。當然，喪屍無可能直接幫喪屍講數，始終都要假扮人類。表面無聊的惡搞片，除在性別議題有 say 外，亦有心思落墨於對族群 / 國族的論述，令小弟回想起另一部早年被睇低的《Lincoln: Vampire Hunter》。
總結：
睇女 -> 收貨 {:6_127:} ； 對白 -> 精警 {:6_193:}； 故事舖排 -> 相當流暢 {:6_177:} 。
喜歡 ＜Pride and Prejudice＞嘅朋友，不容錯過！{:6_182:} 套戲上畫時想去睇，但影評一般般所以打消左個念頭，但個人對傲慢與偏見都ok個喎！咁係咪都應該睇下佢呢套玩成點呢！ 睇左, 本來以為係童軍打喪屍個個LVL的片, 點知好意外地, 屬於文學性好重的PARODY, 但拍攝都算認真.
原題用了+ZOMBIE, 令我諗起近廿年前的, ROMEO + JULIET (將AND 變成+), 雖然後者冇加喪屍, 但背景, 武器的變換都充滿玩味. 標題好有心思，《傲慢與屍變》游走經典與狂想，是玩類型的高手！{:6_142:} lkljason 發表於 2016-3-18 14:46 static/image/common/back.gif
套戲上畫時想去睇，但影評一般般所以打消左個念頭，但個人對傲慢與偏見都ok個喎！咁係咪都應該睇下佢呢套玩 ...
去睇啦。好過癮架！！ jc2ssych 發表於 2016-3-18 22:22 static/image/common/back.gif
去睇啦。好過癮架！！
版主近日版務相當繁忙，看電影的時間就不多了，還望各版友多一點看電影及分享感受{:6_142:} 本帖最後由 jc2ssych 於 2016-3-22 11:44 編輯
忽發奇想！
論類型破格，當年亞視編劇陳十三，將宋代隨岳飛打仗的大兵變成疆屍，隱世八百年，
加入現代天師穿梭陰陽，都算係高手中嘅高手！
頁:
[1]