足球小將倒掛金勾五件事 (轉載)
轉載自 fanpiece倒掛金勾(英文Bicycle Kick，Scissors Kick或者叫Overhead Kick都得)，根據維基大神所講，就係「將身體升起在空中，然後用「交叉腳」將其中一隻腳舉過頭，最後把球用過頭的腳踢出。」
http://holland.pk/243dzja1
今朝睇到李斯特城1-0擊敗新帥賓尼迪斯領軍的紐卡素，岡崎慎司入左球倒掛，英超繼續領先。
貴為英超新一代的亞洲之光，入呢球波真係令我諗起「足球小將」。
在足球神漫「足球小將」入面，你又對邊一幕倒掛有印象呢？
① 立花兄弟
http://holland.pk/8qi5tuh6
足球小將最勁既地方係將現實做唔到既絕技變成漫畫絕招
三個人一齊踢倒掛，無得輸。
可惜佢地遇到林源三...
② 李龍雲
http://holland.pk/sa2umztq
李龍雲抱著必死決心使出倒掛金鉤，幫韓國隊拎到世青盃入場券
我其實最關心賽後佢有冇比沙地阿拉伯既魔神肥佬壓死左…
③ HEHE始組 戴志偉+麥泰來
http://holland.pk/1pox7ylt
當年世青盃時，泰來斷腳果下真係好灰機
後來佢最後神奇復出，黃金拍擋點會無合作射門？
其實早苗先係第三者囉！
④ 既生瑜何生亮 火野龍馬
http://holland.pk/wqs1iel7
我一直覺得，日本首席中鋒呢個位應該係比佢！
你見小志強之後去到意甲比人屈機就知啦！
火野龍馬本身係R.J.7的陣容，有日本血統既佢最後代表烏拉圭，仲練成左「龍捲風倒掛金鉤」，比起需要刮地的「雷獸」，火野龍馬果招可以空中出又得、地面出又得，所以佢未能代表日本，真係好可惜。
⑤ 足壇不敗男 戴志偉 (大空翼)
http://holland.pk/1jy3hexm
最後，當然要提及日本漫畫界的最強男人，印象中佢真係無輸過囉，痴線架！
(編按：有熱心球迷指正，戴志偉最少輸過一次，就係小學全國大賽分組賽第一場，輸俾明和小學，輸6-7)
比著我聽到戴志偉入正選名單，我係對手就應該換定衫沖埋涼啦！仲踢黎做咩？
最深印象就係佢在世少賽，最後射入的倒掛金勾！屈機德國龍門梅拿就咁GG！
呢套漫畫，雖然比人話天馬行空，動畫個場永遠都跑唔完，射球波都要回憶Loop n咁多集
仲要大個先知唔係場場波都有旁述．．．
不過都能夠成為經典，影響過好多現役球員！
下次再同大家傾下其他足球漫啦！
編按：多謝晒足球老將，漫畫中的倒掛金勾令筆者大開眼界！筆者覺得足球小將最離譜的地方就是人物的比例...次滕可以入健力士了(笑)，下次整個歐洲篇啦不如！辛垣拿、史奈達果D 都好厲害！
http://holland.pk/le537dun
另外有朋友話戴志偉輸過，補番張圖比大家~
http://holland.pk/mynesd3r
頁:
[1]