多謝分享
{:6_193:}
(Post76 Android 手機版送出)
3月24日有個唔知乜水Whatsapp我，姑且覆返佢，原來喺鼎鼎大名嘅Q姐齙牙珍，佢話想約我4月1號去我屋企睇症，嘩，我期待已久嘅Q姐家訪梗喺九秒九應承啦……咦，米住4月1？愚人節喎！Q姐唔會咁大整蠱啩……
Q姐咁偉大，為人民服務，當然唔會整蠱人啦，當日準時應約，精神可嘉！
入正題，開機，放碟……麥當娜，忍者刺客……Q姐聽咗一輪，眉頭深鎖，當時我心諗……大檸樂，乜真喺咁差咩？喺呢個時候Q姐發功大嗌：擰轉個pat pat啦！……我即時行動，擰轉個後欄……呀，唔喺，喺個subwoofer先啱，擺好位，好彩啲綫啱啱夠長，呢個backfire擺位大法大至上搞掂；其實我之前都試過擺backfire，但就喺點搞都搞唔好，最後放棄！
不過點可以用我呢啲低手同Q姐呢啲神之手比呢……只見Q姐喺度來回擰幾次個phase，慢慢咁將個低頻由之前唔知射咗去邊度，修正番包圍住個皇帝位，仲有將啲中高帶番出嚟，到呢度part one完畢！
之後part two……auto cal……Q姐攞出私家Q(相機腳架)放好個咪，仲要set到同我個死人頭位同一位置，絲毫不差，專業！我之前求其放個咪喺梳化背就算；Q姐話：唔得架，差一吋，個calibration都唔同晒架；哦，又學嘢！
Start dor……咦，佢話個十仔volume大得濟，我正想去擰番細個十仔volume，Q姐截住我，叫我唔使理skip咗佢就得嘞，原因喺如果將個十仔擰細，咁十仔內嘅功放唔喺最佳工作位置，喺物理上喺唔好的，只要cal完後再人手微調下就得了！Holy Sxxt！你老闆，原來我比部Amp呃咗咁多年都唔知，唉！
Auto Cal完之後Q姐再微調一下聲壓到82dB就大致完成，再睇番忍者刺客，慢慢再微調番十仔聲壓，然後叫我坐番皇帝位再聽下……一聽，嘩咗出嚟，唔使開好大聲啲低頻都一浸浸湧埋嚟，中高出番晒嚟…………(下删一百讚美字)！
呢個時候Q姐彩蛋出動……由於我部電視同Q姐部喺同期產品，Q姐即時幫我set埋部電視，令到聲畫配合得更完美，真喺無言感激！無以為報，只有小小甜品招呼Q姐再分亨一下心得就完結呢個咁偉大無私嘅影音調校交流！
多謝Q姐！
P.S. 呢兩日試下學Q姐咁將個phase由180度慢慢擰去90度聽下個分别，原來喺有分别嘅，但我只聽到每30至40度嘅分别，唔似Q姐咁，幾度都聽到分别，我諗呢個就喺人與神嘅分别！
正，76之福
Good!!!{:6_128:}
Nice
明日預告三十高燒玩家？？？……P.1
今次要玩劑三天三夜啦！！！……{:6_138:}
集集精彩鑊鑊甘{:6_193:}
多謝分享
Good job
