《STREET FIGHTER V》製作人 專訪
本帖最後由 阿定 於 2016-2-29 18:19 編輯(左)小野義德 (右)綾野智章
之前C3HK 2016，Sony Computer Entertainment Hong Kong Limited（SCEH）特別請左《STREET FIGHTER V》製作人小野義德及綾野智章來做宣傳 按我，之後就同各大傳媒做左個專訪！
今日就等我阿定來重溫當日的專訪內容啦！
記者 (阿定): 玩家代號無左香港區旗，係咪中國就代表左香港呢？會唔會加番？
小野義德 : 無左香港旗咩？(Capcom的工作人員一臉問號) 你唔講我地真係唔知，等我返去同製作團隊講番先！
(編按) 最初小野先生搞錯左想問政治問題，帶左我地遊花園，又話春麗都唔一定係中國人 etc，後來知道搞錯左，我地唔係問香港係咪大陸的一部份，只係問區旗唔見左，佢就放心晒！
記者: 只係追加6個角色？咁之後仲有無？
小野義德 : 2016年會先追加呢6個角色，之後希望反應好，可以再加落去，如無意外總人數會多過SSF4的44人，但會唔會去到100個人，就要睇下大家支唔支持我地了！
記者: 故事模式太短啦，又得一Round，又易打，會唔會有更新可以增加難度？
小野義德 : 故事模式六月會有更新，大家如果覺得太易打，可以試下玩生存模式，我覺得生存模式的最高難度應該可以難到唔少人，希望大家可以努力挑戰下
記者: 會唔會定期搞下活動，等大家賺多點FM(FightMoney)？
小野義德 : 現階段未講得太多，不過一定會有機會比大家賺更多的FM的，請放心
記者(阿定): 買番來的新角色有無故事模式？如果有，會係一出新角色就有，定係要等更新？
小野義德 :故事模式現階段未講得住，大家密切留意下啦，唔會讓大家失望的
記者(阿定): 無左街機模式，香港各大論壇、Facebook等等都好大反應，係咪唔會有？由生存模式同故事模式取替左？
小野義德 :關於街機模式，我地去歐洲時都被人係咁追問，真係估唔到原來街機模式咁受大家歡迎，當初設計時無估到會咁，今次返去會同開發團隊研究下，睇下可以點做
記者: 設計SFV時，有無覺得悶？
小野義德 : 咁又無，雖然設計左好耐，但其實途中有好多好有趣的試驗，加上開發SFV時，亦會去參觀SSF4的比賽，聽到好多唔同意見，之後就返去想辦法把意見放入去SFV，所以好有挑戰性
綾野智章 : SFV又點會悶呢，反而之前SFIII時因為技術問題，做唔到擋，覺得隻Game好唔得，宜家上網速度終於追到接近實時，可以用擋技，比以前更真實反映現實格鬥，真係超興奮呀！
小野義德 : 各位記者朋友，記得用粗字寫綾野講的野，佢宜家公然話公司的前輩設計的遊戲好悶，我會把大家的報導轉交比高層，咁之後綾野先生就會明白大公司的制度係咩一回事了(奸笑)
當日的問題大約係咁啦，希望睇完呢篇報導之後，大家明白SFV係一隻持續更新，目標係比大家玩上幾年的Game，今日無，唔代表明日無，製作人的答複其實都好正面的，大家的不滿，佢地已經收到晒，仲會返去檢討添！
相當不錯的訪問，基本上想問的問題都有，希望可以在短期內得到最新消息點覆，謝謝定哥！ 漏問咗個好重要嘅問題喎, 你隻 Game 仲有咁多更新到時仲駛唔駛再俾錢先 ? akira11092 發表於 2016-3-3 14:39 static/image/common/back.gif
漏問咗個好重要嘅問題喎, 你隻 Game 仲有咁多更新到時仲駛唔駛再俾錢先 ?
佢一早有講過, 更新係唔洗. 不過點知佢會唔會反口{:9_436:} akira11092 發表於 2016-3-3 14:39 static/image/common/back.gif
漏問咗個好重要嘅問題喎, 你隻 Game 仲有咁多更新到時仲駛唔駛再俾錢先 ?
佢要用來做eSport，所以唔會再好似SF4咁，又Ultra又Super，所以之前已講明免費更新，唔會轉Title又賣過！ 有冇問佢點解隻game冇opening?
頁:
[1]