《消失的愛人》The Secret - 睇得見定睇唔見嘅秘密!!(劇透)
本帖最後由 朗 於 2016-2-26 09:37 編輯呢套今日香港上畫，因為之前黃真真嘅戲都幾好，所以一心捧場，上星期六已經睇咗優先場，嗰場亦係謝票場，完場後即刻停機收聲，黃真真同埋石修走入嚟同觀眾攞意見!
套戲個英文片名係《The Secret》，睇返劇情，係講:
講述了一個橫跨時空和生死，穿梭奇幻和現實的動人故事，秋捷（王珞丹飾)和凱峰（黎明飾）在一次結婚週年雪山旅行時，發生了雪崩意外，秋捷變成靈魂狀態歸來，發現只有愛她的人才能看見她的靈魂，討厭她的人卻看不見她。雖然影片主打超現實的跨時空概念，但秋捷和凱峰貼近現實的淒美愛戀令人動容，相愛卻不能相伴，唯有靈魂相依，直擊內心最柔軟的地方。
所以英文片名點出其實話係啲靈魂只有愛佢嘅人至睇得見，反之唔愛佢嘅人係睇唔見，對啲靈魂嚟講，睇唔見佢就即係唔愛佢嘞，就係咁簡單，當然上面嘅劇情簡介仲另有玄機，聰明嘅一路睇已經會諗到!
呢套話係繼《被偷走的那五年》、《閨蜜》，黃真真嘅療癒三部曲，《被偷走的那五年》白百何同張孝全擦出火花，黃真真嘅功力得到肯定，《閨蜜》陳意涵、薛凱琪、楊子姍嘅中港台女子組合，亦令人欣賞! 《消失的愛人》陣容其實相當唔錯，雙生雙旦，黎明、王珞丹、林俊傑、張榕容，四小花旦中嘅楊冪、黃聖依、劉亦菲早已打入香港市場，王珞丹係最遲一個，文青嘅外型氣質，其實類似白百何，樣算唔上靚，氣質演技搭夠，張榕容台灣影后級實力無容置疑，林俊傑初登銀幕亦有吸引力，表現亦合格! 問題出喺金句王黎明度，國語對白佢梗係得喇，但即使剪咗個韓式傻仔頭扮後生，但年紀同王珞丹相差太遠，格格不入，完全擦唔出火花! 同埋以黎天王嘅年紀，石修點做佢老豆呢! 點睇都唔似!
呢套對個人嚟講，較為失望! 套戲有一大死穴，兩個問題!
死穴係，大陸唔准拍鬼片，要大陸市場就唔可以真係講鬼，所以套戲最後一定要話係發夢、幻覺、或者精神錯亂，咁你講乜都得，講乜都冇意思喇!
一個問題係，個故事前半個鐘頭幾好睇，但組織唔到咁長，如果好似幻海奇情咁，半個鐘會緊湊精彩好多，之後就出現拖劇情，重覆，令人唔耐煩!
另一個問題，就係失去焦點，本來主題係男女情，又要加啲老生常談嘅所謂朋友情，仲要臨尾整段父子情，溝亂哂，死得!
有場戲，唔明白導演點解咁處理! 雪崩意外嘅時候，點解安排秋捷（王珞丹飾)昏迷咗，當凱峰（黎明飾）決定犧牲自己救老婆嗰刻，本來可以營造一個生離死別，極度不捨嘅嘅感動位，但昏迷咗咁咪連眼神接觸都冇囉! 雖然可以話唔想秋捷知道個老公為佢犧牲，但反正劇情都話佢唔記得單意外嘅喇! 可惜吖!
粉絲都應該捧場嘅, 咁講!
興趣唔大，睇完你報告當睇完！{:6_176:} lkljason 發表於 2016-2-27 12:45 static/image/common/back.gif
興趣唔大，睇完你報告當睇完！
咁, 睇完, 就要保守個「看不見」嘅秘密，唔好劇透俾人，將秘密留俾其他人。
頁:
[1]