《賭城風雲3》一嚿包裝得超靚嘅垃圾
本帖最後由 bellyjerry 於 2016-2-6 17:32 編輯本住76網宗旨:只談娛樂,不談政治的情況之下,好,就等小弟簡單寫寫對呢套戲嘅感想啦!(因為實在唔想有其他師兄再嘥錢睇呢套爛中之霸){:6_121:}
之前兩集其實小弟都有睇過,雖然稱唔上好睇但都未至於要割櫈,故事起碼睇完講得出佢講乜,但今集實在不停挑戰小弟嘅底線{:6_187:} ,首先故事合理性係冇嘅,完全唔make sense,有幾幕直情爛到小弟有啲毛管戙嘅感覺,基本上呢套戲只係不停販賣港產經典場面,(如監獄風雲,賭神,零零漆達聞西),加幾場唱歌場面,(友誼之光,獨自去偷歡同打雀英雄傳呢幾幕真係爛到喊),而且全套戲賭錢場面加埋都唔夠十分鐘,重要全無橋段可言,比之前兩集重少,真係xyz!!!{:6_124:}
演員方面幾位影帝在片中猶如儍仔一樣,似玩多過拍戲,毫無表現可言,劉華不停chok,發哥,家輝就好似小丑一樣,學友造型就同石內卜有8成似,重要又係揸住支魔法棒...總括嚟講可以為佢哋演藝生涯上加上一大污點,至於女主角方面李宇春真係....基本上全為大陸觀眾而設,佢重要全程黑口黑面木無表情,係都搵個養眼啲啦大佬,所以無話可說.
另外不得不提係戲中嘅植入廣告同特技,廣告方面多到你估唔到,尤其是應該係俾最多錢嘅鬥地主 online game,出現次數直情多到令人反感呀!{:9_418:} 特技方面可能導演見上集個機械人傻強反應唔錯,今集明顯更重咗戲份,重要臨尾整場懶勁嘅機械人大戰,但唔知係咪趕時間關係,效果居然比起《未來警察》更差,真係膠到爆呀!好心就唔好攪啦!
最後好老實講呢套戲嘅卡士真係10分,但故事就0分,基本上呢班演員如果可以換個導演認真拍番套戲就真係《Avengers》都拍到,但今次揸旗嗰個係已經回晒塘嘅王晶,所以只能夠食老本拍咗套好難睇嘅大陸賀歲片,除咗可惜之外都唔知講乜,奉勸各位師兄如果想開心睇番套賀歲片嘅話都係睇番以前嗰啲好過喇!
評分:1/10分 (1分係俾學友唱嗰首主題曲)
呢個夠哂中肯 總括嚟講可以為佢哋演藝生涯上加上一大污點{:1_340:} 人地賺人仔夠啦，劇情其次，心感同情{:6_180:} 最認同你呢句...
"只談娛樂,不談政治的情況"
睇完你既影評, 再加埋個評分, 絕對可以出碟都唔駛買碟睇, 橫掂第2集已經俾第1集嚇都我敢睇, 真係好啦.
但係屯門D戲院爆晒場{:6_168:}
(Post76 Android 手機版送出) 本來都考慮睇, 见完師兄概評論， 唔㑹睇{:1_248:} Hon 發表於 2016-2-6 18:06 static/image/common/back.gif
最認同你呢句...
"只談娛樂,不談政治的情況"
呢套唔係講笑呀Hon兄,如果睇港產片大嘅見到賭神變成咁真係會睇到心痛㗎{:6_123:} 撇除王晶有問題嘅言論
小弟都唔會入場睇呢套戲，費時佢囂同睇死
預告片睇咗已經…{:1_336:} SonSon 發表於 2016-2-6 21:12 static/image/common/back.gif
但係屯門D戲院爆晒場
(Post76 Android 手機版送出)
我寧願睇城城{:1_332:} bellyjerry 發表於 2016-2-6 21:46 static/image/common/back.gif
呢套唔係講笑呀Hon兄,如果睇港產片大嘅見到賭神變成咁真係會睇到心痛㗎...
第1集既發哥已經令我對佢既欣賞幻滅晒.