《尋龍訣》︰一套似樣嘅大陸戲
本來對呢套《尋龍訣》無乜期待，叫做禮拜日無嘢搞去消磨時間，見大陸對呢套戲口碑唔錯，抱著搏一搏心態去睇睇…唔叫做好大驚喜，但唔會睇到自己好嬲，拍得四平八穩。故事方面其實叫做向Tomb Raider、Indiana Jones電影取經，古墓佈景算係有番自己特色，唔會令小弟覺得古墓佈景左抄右抄。有幾幕戲算幾深刻，電影廿年前同Angelababy的一段悲痛經歷，鬼佬變咗喪屍，另外電影最後古墓塌陷俾到小弟視聽震撼…以大陸電影嚟講，當然與外國電影相比都有段距離，日本地下工廠一幕特技效果好假。
演員演出，動作片唔會見到有好發揮到演技的地方，舒淇戲中角色都算突出，上次聶隱娘劇本所限做得麻麻，黃渤夏雨兩人幾有化學作用，美國簽合同，古墓誤打誤撞找到「彼岸花」所在位置，係令觀眾可以笑得出。反而日本妹顏卓靈同埋邪教會長係好典型嘅奸角，不過顏卓靈喺戲中幾好打，殺喪屍一幕做得唔錯。Angelababy…自己對她有少少偏見，叫不過不失。
總括而言，如果唔抗拒大陸片，呢套《尋龍訣》可以入場睇吓。 其實套電影改編自大陸網絡小說《鬼吹燈》
仲有另一套戲係改編呢本小說
係陸川《九層妖塔》
《九層妖塔》無睇
不過口碑好差，被人話陸川打爛埋自己招牌{:1_331:}
頁:
[1]