《十年》遭百老匯下架！有冇搞錯？！
My thought:" The withdrawal got nothing to do with politics? I don't think it was that simple! Why are they so afraid of getting the movie released? "
轉載《蘋果日報》http://hk.apple.nextmedia.com/enews/realtime/20160114/54646649
獨立電影《十年》喺熱賣嘅情況之下，離奇被最初獨家上映嘅百老匯電影中心下架，令人聯想係咪因為電影內容敏感，令百老匯院線嘅公司，於內地有好多投資嘅安樂電影自我審查。
《十》片嘅監製Andrew今日接受電話訪問，佢話：「套戲上咗兩個禮拜之後，準備入第3個禮拜嗰時，(百老匯電影中心)先同我哋講，因為有好多其他片要上，而上唔到嘞。不過當時已經搵到UA、MCL，所以我哋都冇再去同佢哋爭取。都有喺facebook睇到你個講法，不過我咁講，最初佢哋肯上，又得一間上，佢都應該考量過嘅，我又唔揣測佢有冇其他原因，我哋嘅態度係唔去諗點解佢哋唔(繼續)播。」
今日百老匯院線排片部主管Mandy接受本報電話訪問時，就否認有關政治審查的說法，佢話：「唔關事，嗰時1月2日上套《新福爾摩斯》會上，之前已經同片主提過之後啲影期好迫，有同事同佢提咗。同埋電影中心好多鋪排，好多special programme要推，其實差唔多啦，套戲喺電影中心都做咗好長時間(兩星期多)。 」
在短篇《方言》中飾演不諳普通話嘅的士司機嘅梁健平，佢就傾向相信係影期問題：「會接受係排咗其他片，冇人估到套片上咁耐。如果要cut出面啲戲院cut先，據我所知當初都係百老匯主動話要幫《十年》排正場。」
頁:
[1]