《葉問3》簡評‧不含劇透
本帖最後由 bellyjerry 於 2015-12-24 23:15 編輯'我要打十個!!!'
'為生活我可以忍,但侮辱中國武術就唔得!!'{:8_381:}
呢兩句咁熱血嘅對白相信有睇葉問頭兩集嘅師兄一定記得,前兩日冬至早放工,撞啱又未夠鐘食飯,剛剛好有時間可以同老婆睇呢套期待已久之作,由於葉問頭兩集在小弟心目中有相當高嘅評價,加上今集台前幕後都算係原班人馬再度上陣,所以期望自然相對提高了.{:9_430:}
看後感:先從故事講起,今集由於並無好似上兩集咁講國仇家恨,(第一集打日本人,第二集打鬼佬),所以投入感減弱不少,反而今集於感情戲方面加多咗,今次主題:珍惜身邊人,所以有幾段戲直情描述主角兩夫婦日常生活,跳舞,多咗描述兩公婆感情戲,但正因為咁,其他支線劇情相對描述少咗,好多都係輕輕帶過,描述得唔夠深入,所以個人覺得劇情方面比上兩集有少少失色了.
至於演員表現方面,主角丹爺同其他配角都算保持到水準,不過泰臣於片中主要都係過場之用.反而值得一讚嘅係譚耀文同張晉嘅表現,前者今次做一個爛仔流氓大反派,表現相當入肉,有少少當年野獸刑警㩒釘華嘅feel,奸到盡,正呀!至於張晉今次角色定位上雖然有D奇怪,一時好人一時係壞人,但佢表現得都得心應手,尤其是最後輸咗俾葉問之後段戲最令小弟印象深刻,做得好好.{:1_351:}
至於武打場面方面今集可能少咗場具標誌性嘅場面(如第一集一個打十個同第二集葉問與洪師傳圓桌上比武),所以主觀上唔夠之前精采,但其實幾場主打武打場面都拍得唔錯,(如電梯裡與泰仔對打,葉問與泰臣對打同結尾與張晉用各樣兵器對打),袁和平喺設計呢方面都係交到貨,特別要讚嘅都係張晉嘅表現,打得快,狠,準,繼'一代宗師'同'殺破狼2'之後繼續打得出色.交足功課呀!
總括嚟講可能之前兩集太成功嘅關係,一比較之下令今集成績被比下去,但其實今集仍有不少可觀之處,加上對葉問呢個系列嘅情意結,十分滿分小弟會俾七分啦{:9_407:}
評分:7/10分
{:8_387:} {:8_387:} 我都好鍾意頭兩集既金句， 可惜嗰時我講返出黎有幾熱血， 無人認同
今集小左呢類金句所以感覺上爭d
(Post76 Android 手機版送出) Hon 發表於 2015-12-26 12:26 static/image/common/back.gif
我都好鍾意頭兩集既金句， 可惜嗰時我講返出黎有幾熱血， 無人認同
今集小左呢類金句所以感覺上爭d
絕對認同呀Hon兄,今集少咗呢類金句的確令人冇咁深刻,而家過咗幾年,應該會有多咗人認同前兩集嘅金句啦{:9_421:} bellyjerry 發表於 2015-12-26 13:34 static/image/common/back.gif
絕對認同呀Hon兄,今集少咗呢類金句的確令人冇咁深刻,而家過咗幾年,應該會有多咗人認同前兩集嘅金句啦{:9_ ...
就好似人生一樣，最黃金的時代已經過去……{:6_174:} 終於睇左,其實並不差,葉問這次做回普通人,並不是之前所塑造的民族英雄,角色更為立體,導演處理文戲不錯,將家庭倫理注入動作片裏面,其實前兩集已經有,不過著墨無咁多,永成要求葉問再打一次木人樁給她看,都幾感動,兩個都演得不錯,這次是丹爺做文戲最好的一次,其實葉偉信的前作,如"爆裂型警", "殺破狼","導火線" 都有將家庭倫理放於動作片中,三場主要對打,袁和平都處理得架輕就熟,都幾悅目,不過未算驚喜,縂括來畀7/10分{:6_183:}
頁:
[1]